ڈیرہ اسماعیل خان ، اراضی کے تنازع پرایک شخص قتل

بدھ 2 اکتوبر 2024 20:44

ڈیرہ اسماعیل خان (اُردو پوائنٹ اخبارتازہ ترین - اے پی پی۔ 02 اکتوبر2024ء) ڈیرہ اسماعیل خان میں اراضی کے تنازع پر مخالفین نے ایک شخص کو فائرنگ کر کے قتل کر دیا۔

(جاری ہے)

تھانہ گومل یونیورسٹی میں 71سالہ روڑا کے رہائشی صوبہ خان بلوچ ولد سرفراز خان نے قتل کی دفعہ کے تحت رپورٹ درج کرائی ہے کہ میں اورمیرا 71سالہ چچازاد بھائی رمضان بلوچ سکنہ روڑا حال مدینہ کالونی ،موٹر کار پر روڑا سے مدینہ کالونی جا رہے تھے جب ہم ڈیرہ تونسہ روڈ عمران وزیر پٹرول پمپ لنڈا اڈہ نماز پڑھنے کی غرض سے رکے تو ایک ٹویوٹا آیا جس کی فرنٹ سیٹ سے ملزم نیاز بلوچ سکنہ روڑا جبکہ ڈرائیونگ سیٹ پر انعام اللہ بلوچ ولد سلطان سکہ روڑا بیٹھا تھا، نیاز نے آتے ہی رمضان بلوچ پر اپنے ریپیٹر سے فائرنگ کر دی جس سے میراچچازاد بھائی رمضان بلوچ لگ کر شدید زخمی ہو کر جاں بحق ہوگیا۔

قتل کی وجہ اراضی کا تنازع بتایا جا رہا ہے۔