تعلیم ترقی کی بنیاد ہے اور اساتذہ معمار ہیں،وزیر تعلیم بلوچستان کا یوم اساتذہ پرپیغام

ہفتہ 5 اکتوبر 2024 23:10

کوئٹہ (اُردو پوائنٹ اخبارتازہ ترین - اے پی پی۔ 05 اکتوبر2024ء) وزیر تعلیم بلوچستان راحیلہ حمید درانی نے کہا ہے کہ تعلیم ترقی کی بنیاد ہے اور اساتذہ معمار ہیں۔ اساتذہ کا اثر کلاس روم سے آگے بڑھتا ہے، جو نسلوں کو خواب دیکھنے اور علم کی طاقت پر یقین کرنے کی ترغیب دیتا ہے۔

(جاری ہے)

یوم اساتذہ پراپنے بیان میں وزیر تعلیم راحیلہ حمید درانی نے کہا کہ اس یوم اساتذہ پر میں اپنے تعلیمی نظام کے ستونوں یعنی اساتذہ کا تہہ دل سے شکریہ ادا کرتی ہوں۔

ہر روز آپ مستقبل کی تشکیل کرتے ہیں۔ راحیلہ حمید درانی نے کہا کہ بلوچستان میں ہمیں بہت سے چیلنجز کا سامنا ہے، لیکن ترقی اور تبدیلی کے مواقع بھی ہیں۔ مل کر ہم ایک ایسا نظام تشکیل دے سکتے ہیں جہاں ہر طالب علم پروان چڑھے اور ہر استاد کو بااختیار بنایا جائے۔آئیے اس سفر کو ایک ساتھ جاری رکھیں، امید، استقامت اور تعلیم کی طاقت میں مشترکہ یقین کے ساتھ۔