آپریشنل مسائل کے باعث کراچی سے پی آئی اے کی 5 پروازیں منسوخ

جمعرات 10 اکتوبر 2024 22:52

کرا چی (اُردو پوائنٹ اخبارتازہ ترین - آن لائن۔ 10 اکتوبر2024ء) آپریشنل مسائل کے باعث قومی ایئر لائن پی آئی اے کی کراچی سے لاہور، اسلام آباد اور جدہ کی 5 پروازیں منسوخ کر دی گئیں۔فلائٹ شیڈول کے مطابق 20 ملکی اور غیر ملکی پروازوں میں تاخیر بھی ہوئی ہے۔ پی آئی اے کی کراچی سے لاہور کی 2 پروازیں پی کے 302 اور 303 جبکہ اسلام آباد کی 2 پروازیں پی کے 368 اور 369 کو منسوخ کر دیا گیا۔

فلائٹ شیڈول کے مطابق کراچی سے جدہ کی پرواز پی کے 831 بھی منسوخ ہو گئی۔

(جاری ہے)

اس کے علاوہ جدہ اور استنبول سے کراچی کی 4 پروازوں کی آمد و روانگی میں تاخیر ہوئی ہے جبکہ کراچی سے دبئی، استنبول، نجف اور دمشق کی پروازوں کی روانگی میں تاخیر ہوئی ہے۔کراچی سے اسلام آباد کی پرواز پی کے 300 کی روانگی میں آج بھی 2 گھنٹے کی تاخیر ہوئی جبکہ کراچی سے مسقط کی پی آئی اے کی پرواز پی کے 225 ڈھائی گھنٹے تاخیر سے روانہ ہو گی۔کویت سٹی اور دمام سے لاہور کی پروازیں 1 سے ساڑھے 3 گھنٹے تاخیر کا شکار ہیں اور لاہور سے دبئی، جدہ، اسلام آباد اور استنبول کی پروازوں میں 1 سے ڈیڑھ گھنٹے کی تاخیر ہوئی ہے۔اسلام آباد سے اسکردو کی پرواز پی کے 451 ڈیڑھ گھنٹے کی تاخیر سے روانہ ہوئی۔