چیچہ وطنی ، اوگرا کے ڈپٹی ڈائریکٹر حادثہ میں جاں بحق ، ڈرائیور شدیدزخمی

پیر 14 اکتوبر 2024 21:47

چیچہ وطنی (اُردو پوائنٹ اخبارتازہ ترین - اے پی پی۔ 14 اکتوبر2024ء) چیچہ وطنی میں منی ٹرک اور کار کے تصادم میں اوگرا کے ڈپٹی ڈائریکٹر جاں بحق اور ڈرائیور شدیدزخمی ہوگیا۔پولیس کے مطابق حادثہ بائی پاس روڈ پر گاؤں110،بارہ ایل کے قریب پیش آیا جہاں منی ٹرک اچانک کار سے ٹکرا گیا۔

(جاری ہے)

حادثہ کے نتیجہ میں کار میں سوار اوگراکے ڈپٹی ڈائریکٹر مرزا نوید موقع پر ہی جاں بحق جبکہ انکا ڈرائیور خرم شدید زخمی ہوگیا جسے تحصیل ہیڈ کوارٹر ہسپتال سے طبی امداد کے بعد تشویشناک حالت میں ساہیوال ٹیچنگ ہسپتال منتقل کردیا گیا۔

متوفی ڈپٹی ڈائریکٹر کا لاہور سے ملتان تبادلہ ہوگیا تھا اور وہ نئی ذمہ داریاں سنبھالنے ملتان جارہے تھے کہ چیچہ وطنی سے گزرتے ہوئے کار کو حادثہ پیش آگیا۔پولیس نے منی ٹرک کے ڈرائیور کو گرفتار کرکے واقعہ کی تفتیش شروع کردی ہے