لاہور میں سسرالیوں کے تشدد سے بہو جاں بحق، شوہر، ساس، سسر اور نند کیخلاف مقدمہ

اسد نے میری بیٹی ہما سے پسند کی شادی کی تھی، سسرالیوں نے گلے میں پھندا ڈال کر قتل کردیا‘والد

منگل 15 اکتوبر 2024 22:58

لاہور میں سسرالیوں کے تشدد سے بہو جاں بحق، شوہر، ساس، سسر اور نند کیخلاف ..

لاہور (اُردو پوائنٹ اخبارتازہ ترین - این این آئی۔ 15 اکتوبر2024ء) صوبائی دارالحکومت کے علاقہ باغبانپورہ میں سسرالیوں کے تشدد سے بہو جاں بحق ہوگئی، مقتولہ کے شوہر، ساس ، سسر اور نند کے خلاف مقدمہ درج کرلیا گیا۔

(جاری ہے)

باغنپورہ کے علاقے میں سسرالیوں کے تشدد سے بہو کے جاں بحق ہونے کا مقدمہ پولیس نے مقتولہ ہماء کے والد کی مدعیت میں اس کے شوہراسد ، ساس، سسر اور نند کے خلاف درج کرلیا۔

درج کی گئی ایف آئی آر میں کہا گیا ہے کہ ملزم اسد نے میری بیٹی ہما سے پسند کی شادی کی تھی، شوہر اور سسرال والے بیٹی پر تشدد کرتے تھے، اور سسرالیوں نے گلے میں پھندا ڈال کر میری بیٹی کو قتل کردیا۔پولیس نے واقعے کا مقدمہ درج کرنے کے بعد لاش پوسٹ مارٹم کے لیے مردہ خانے منتقل کر دی ہے، پولیس کا کہنا ہے کہ پوسٹ مارٹم رپورٹ کے بعد اصل حقائق سامنے آئیں گے۔