لاہور سمیت پنجاب کے بیشتر علاقوں میں موسم خشک رہنے کا امکان ہے،محکمہ موسمیات

بدھ 16 اکتوبر 2024 23:08

لاہور (اُردو پوائنٹ اخبارتازہ ترین - اے پی پی۔ 16 اکتوبر2024ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لاہور سمیت پنجا ب کے بیشتر علاقوں میں موسم خشک رہنے کا امکان ہے تاہم صبح کے اوقات میں سردی بڑھ گئی ہے۔

(جاری ہے)

ترجمان کے مطابق گزشتہ چوبیس گھنٹوں کے دوران پنجاب کے اکثر علاقوں میں موسم خشک رہا، لاہور میں کم سے کم درجہ حرارت 21اور زیادہ سے زیادہ 32سینٹی گریڈ ریکارڈ کیا گیا جبکہ ہوا میں نمی کا تناسب 36فیصد رہا۔ لا ہور میں آلودگی کی مجموعی شرح120فیصد رہی جبکہ شہر کے مختلف علاقوں میں ایئر کوالٹی انڈیکس ذکی فارمز 161،فیز ایٹ ایوی گرین 147، یو ایم ٹی 129،یوایس قونصلیٹ 134،ریونیو سو سائٹی 151،سی ای آر پی آفس 129اور فیز ایٹ میں 151 ریکارڈ کیاگیا۔