ظ*پی ٹی آئی میں اختلافات، آگے چل کر ٹوٹ پھوٹ کا شکار ہو جائے گی،منظور وسان

پیر 28 اکتوبر 2024 20:15

{خیرپور (اُردو پوائنٹ اخبارتازہ ترین - آن لائن۔ 28 اکتوبر2024ء) پیپلز پارٹی کے رہنما منظور وسان کا کہنا ہے کہ مستقبل میں کسی نہ کسی طرح بلاول بھٹو کو وزیرِ اعظم بنتا دیکھ رہا ہوں۔خیرپور میں میڈیا سے گفتگو کرتے ہوئے منظور وسان نے کہا کہ 27 ویں آئینی ترمیم میں جے یو آئی پیپلز پارٹی کا ساتھ دے گی، اس نے پہلے بھی ساتھ دیا ہے۔

(جاری ہے)

انہوں نے کہا کہ پی ٹی آئی والے پہلے بھی لڑتے رہے ہیں لیکن فائدہ انہیں ابھی تک نہیں ہوا ہے، ہم لڑائی کرنے والے لوگ نہیں ہیں، امن و امان کی خواہشات رکھنے والے ہیں۔

منظور وسان کا کہنا ہے کہ پی ٹی آئی میں اختلافات ہیں، آپس میں ان کی نہیں بنتی، آگے چل کر پی ٹی آئی ٹوٹ پھوٹ کا شکار ہو جائے گی اور اس میں دھڑے بندی ہو گی۔پیپلز پارٹی کے رہنما نے یہ بھی کہا کہ 18 ویں ترمیم میں بھی وہی شرطیں تھیں جو موجودہ 26 ویں ترمیم میں ہیں۔