دانیہ شاہ کوعامرلیاقت کی بیوہ نہ لکھا جائے، طلاق ہوچکی تھی، بشری اقبال فتوی سامنے لے آئیں

منگل 29 اکتوبر 2024 20:40

کراچی (اُردو پوائنٹ اخبارتازہ ترین - این این آئی۔ 29 اکتوبر2024ء) مرحوم سکالر عامر لیاقت کی سابق و پہلی اہلیہ ڈاکٹر بشری اقبال نے مختلف دینی علما و مدارس سے حاصل کئے گئے فتووں کو شیئر کرتے ہوئے میڈیا اور صحافیوں سے التجاء کی ہے کہ وہ دانیہ شاہ کو عامر لیاقت کی بیوہ نہ لکھیں۔ڈاکٹر بشری اقبال نے سوشل میڈیا پر مختلف علما اور دینی مدارس سے حاصل کئے گئے فتووں کو شیئر کرتے ہوئے قانونی نوٹس میں میڈیا اور صحافیوں کو متنبہ کیا کہ وہ دانیہ شاہ کو عامر لیاقت کی بیوہ لکھنا بند کریں۔

انہوں نے نوٹس میں بتایا کہ تفتیش اور شواہد سے معلوم ہوتا ہے کہ دانیہ شاہ مرحوم عامر لیاقت کی بیوی نہیں تھیں،ان کے مطابق نادرا میں بھی دانیہ شاہ کا مرحوم کی بیوی کے طور پر کوئی ریکارڈ موجود نہیں، ان کا نکاح نامہ بھی نہیں، اسلامی شریعہ قوانین سمیت ملکی قوانین کے تحت دانیہ شاہ کے عامر لیاقت کی اہلیہ ہونے کے شواہد نہیں ملے۔

(جاری ہے)

نوٹس کے مطابق علاوہ ازیں دانیہ شاہ نے عامر لیاقت کی ویڈیوز لیک کیں جس سے ان پر فوجداری مقدمات بھی دائر ہیں، اس لئے انہیں عامر لیاقت کی بیوہ لکھنا، کہنا اور سمجھنا بند کیا جائے۔

انہوں نے امید ظاہر کی کہ میڈیا اور سوشل میڈیا والے معاملے کی حساسیت کو سمجھتے ہوئے دانیہ شاہ کو اب عامر لیاقت کی بیوہ لکھنا بند کریں گے۔انہوں نے پوسٹ میں ایک سوشل میڈیا پوسٹ کا اسکرین شاٹ بھی شیئر کیا جس میں عامر لیاقت کے حوالے سے بیان دیا گیا تھا کہ دانیہ ملک جسم فروش تھیں اور انہیں شادی کے بعد اس بات کا علم ہوااور اب انہوں نے انہیں ہمیشہ کیلئے چھوڑ دیا ہے۔

ڈاکٹر بشری اقبال نے عامر لیاقت کی مذکورہ پوسٹ کو جواز بناکر مختلف دینی مدارس اور علماء سے فتوے بھی حاصل کئے کر کے شیئر کئے۔فتووں کے مطابق اگر مذکورہ بیان خود عامر لیاقت نے دیا ہے اور اس بات کے شواہد موجود ہیں تو پھر ان کے بیان کے مطابق ان کی دانیہ شاہ سے طلاق بائن ہوگئی۔بشری اقبال نے مذکورہ فتووں کو شیئر کرتے ہوئے بتایا کہ علماء اکرام کی جانب سے جاری فتوئوں میں بھی عامر لیاقت اور دانیہ شاہ کی طلاق کی تصدیق کی گئی ہے۔