ائیر انڈیا کی دبئی سی دہلی جانیوالی پرواز سے کارتوس برآمد،ایف آئی آر درج

اکتوبر کو عملہ جب جہاز کی معمول کی صفائی ستھرائی کر رہا تھا تو ایک سیٹ کی جیب سے کارتوس ملاجوایکٹیوتھا،بھارتی پولیس

اتوار 3 نومبر 2024 12:35

نئی دہلی(اُردو پوائنٹ اخبارتازہ ترین - این این آئی۔ 03 نومبر2024ء) ائیر انڈیا کی دبئی سے نئی دہلی پہنچنے والی پرواز کی ایک سیٹ کی جیب سے کارتوس برآمد ہوا ہے۔

(جاری ہے)

بھارتی خبر رساں ادارے کے مطابق بھارتی پولیس اہلکار نے بتایاکہ27اکتوبر کو ائیر انڈیا کا عملہ جب جہاز کی معمول کی صفائی ستھرائی کر رہا تھا تو انہیں ایک سیٹ کی جیب سے کارتوس ملا، جو ایکٹیو حالت میں تھا، اس معاملے پر اسلحہ ایکٹ کے تحت ایک ایف آئی آر بھی درج کر لی گئی ہے۔

ائیر انڈیا کے ترجمان نے اس بات کی تصدیق کرتے ہوئے بتایا کہ دبئی سے نئی دہلی آنے والی پرواز اے آئی 916 کی سیٹ کی جب سے ایک کارتوس بر آمد ہوا تاہم اس دوران تمام مسافر محفوظ رہے۔ انہوں نے کہاکہ اس کے بعد ائیر انڈیا کی جانب سے ایئر پورٹ پولیس کو شکایت درج کروائی گئی ہے۔