کامسیٹس یونیورسٹی ایبٹ آباد کیمپس میں کانووکیشن کی تقریب کا انعقاد،1296طلباء و طالبات میں ڈگریاں تقسیم

ایبٹ آباد (اُردو پوائنٹ اخبارتازہ ترین - اے پی پی۔ 18 نومبر2024ء) کامسیٹس یونیورسٹی اسلام آباد، ایبٹ آباد کیمپس میں کانووکیشن کی تقریب کا انعقاد کیا گیا۔کانووکیشن میں 1296طلباء و طالبات کو ڈگریاں دی گئیں، 58طلباء و طالبات کو نمایاں پوزیشنز حاصل کرنے پر گولڈ،سلوراور براؤنزمیڈل اور 39طلباء و طالبات کو پی ایچ ڈی کی ڈگریاں دی گئیں،جن میں سیشن فال 2024انسٹی ٹیویٹ گولڈ میڈل 3، انسٹی ٹیویٹ سلور میڈل 2 اور انسٹی ٹیویٹ براؤنز میڈل1دیا گیا، کیمپس گولڈ میڈلز5، کیمپس سلور میڈل 3 اور کیمپس براؤز 1میڈل سے نوازا گیا ہے،سیشن سپرنگ 2024میں انسٹی ٹیویٹ گولڈ میڈل 7، انسٹی ٹیویٹ سلور میڈل 3 اور انسٹی ٹیویٹ براؤز 1دیا گیا جبکہ کیمپس گولڈ میڈلز12، کیمپس سلور میڈل 11 اور کیمپس براؤز 9میڈل بھی دیئے گئے۔

(جاری ہے)

ڈاکٹر ایس ایم جنید زیدی مہمان خصوصی تھے۔تقریب میں ممبر آف سینٹ، ممبر آف سینڈیکیٹ، ممبر آف اکیڈمک کونسل، مختلف کیمپسز کے ڈائریکٹرز، بورڈ آف فیکلٹی،ڈینز آف فیکلٹی اور پروفیسر صاحبان نے شرکت کی۔ اس موقع پر فارغ التحصیل طلباء و طالبات کے والدین اور علاقہ کی نمایاں شخصیات بھی موجود تھیں۔تقریب کے مہمان خصوصی ڈاکٹر ایس ایم جنید زیدی نے طلباء و طالبات اور اُن کے والدین کو مبارکباد دی اور اس بات پر زور دیا کہ اب اُن کے لئے عملی میدان میں چیلنجز سے نمٹنے کیلئے آپ جدید ٹیکنالوجی سے لیس ہونا چاہے۔

اُنہوں نے اس اُمید کا اظہار کیا کہ کامسیٹس نے طلبہ کو علمی دُنیا میں جو بنیاد فراہم کی ہے اُس کے بل بوتے پر ترقی کی اعلیٰ منازل حاصل کریں گے۔ اُنہوں نے کہا کہ صرف حصول علم ہی کافی نہیں جب تک اس کے ساتھ اخلاق کی بلندی اور نظم کی پاسداری نہ ہو۔ اپنے خطاب میں اُنہوں نے واضح کیا کہ پاکستان سے مشکل وقت بیت گیا ہے،اب آپ کے لئے ترقی کے نئی راہیں ہموار ہورہی ہیں۔

اُنہوں نے طلباء و طالبات کو ہدایت کی کہ اپنی آئندہ زندگی کی بنیاد اعلیٰ اخلاقی اقدار، دیانت، وفاداری اور کام میں لگن پر استوار کرکے پاکستان کی فلاح اور ترقی کے لئے کام کریں۔مہمان خصوصی نے افواج پاکستان کا خصوصی شکریہ ادا کیا کہ جنہوں نے ہر موقع پر کامسیٹس یونیورسٹی کی مدد کی بالخصوص کامسیٹس ایبٹ آباد کیمپس کے لئے جگہ فراہم کی جس بدولت آج کامسیٹس ایبٹ آباد کیمپس میں 5700سے زائد طلباء و طالبات زیر تعلیم ہیں۔

اُنہوں نے مرکزی اور صوبائی حکومت کو بھی تعلیم دوست اقدامات پر خراج تحسین پیش کیا۔ اُنہوں نے اس بات پر زور دیا کہ نوجوان اس ملک کا طاقتور اثاثہ ہیں ۔اُنہوں نے طلباء پر زور دیا کہ وہ علم کی طاقت استعمال کرکے اس ملک میں نمایاں تبدیلی لاسکتے ہیں۔ ڈائریکٹرمیرٹ پروفیسر ڈاکٹرامتیاز علی خان نے ادارے کی کاکردگی رپورٹ، تعلیمی وتحقیقی سرگرمیوں پر روشنی ڈالی۔

اُنہوں نے ادارے کے قیام سے لےکر اب تک کی ترقی کو اطمینان بخش قرار دیااور کہا کہ کامسیٹس یونیوسٹی اسلام آباد ایبٹ آباد کاجو پودہ3شعبہ جات اور 121طلبہ کے ساتھ 2001میں لگایا گیا تھا،وہ اب ایک ثمر بار تناور درخت کی شکل میں آپ کے سامنے ہے،جس میں اس وقت 5700طلبہ12مختلف شعبہ جات میں تعلیم وتربیت حاصل کررہے ہیں۔اس سال مزید 2نئے ڈیپارٹمنٹس جن میں اکنامکس ،کمیوٹر انجییئرنگ کااجراء کیا گیا، ہمارے تمام پیشہ ورانہ پروگرامز مجاز اداروں سے تسلیم و تصدیق شدہ ہیں،کامسیٹس ایبٹ آباد سے اب تک تقریباً20100طلبہ اپنی تعلیم مکمل کرکے ملک و قوم کی خدمت میں مصروف عمل ہیں،ان فارغ التحصیل طلبہ میں بی ایس16075 ، 1380ماسٹرز اور 179 پی ایچ ڈی بھی شامل ہیں اور آج مزید 39سکالرز نے پی ایچ ڈی کی ڈگری حاصل کی ہے۔

اُنہوں نے کہا کہ گزشتہ سال کامسیٹس یونیورسٹی نے 1500سے زیادہ تحقیق مقالے شائع نیا ریکارڈ قائم کیا ہے جن میں بڑا حصہ ایبٹ آباد کیمپس نے ادا کیا۔ اس موقع پر ڈائریکٹر انتظامی افسران خاص طور پر سٹوڈنٹس افیئر ڈیپارٹمنٹ، سکیورٹی آفیسر،ایڈمن آفسیر کا اعلیٰ انتظامات پر تہہ دل سے شکریہ ادا کیا ہے۔ اس موقع پر طلباء و طالبات نے اپنی نمایاں کاکردگی کو والدین کی دعاؤں اور اساتذہ کی انتھک محنت کا صلہ قرار دیا۔