فیک نیوز پر وفاقی وزیرِ اطلاعات کو جیل میں ڈالیں: بیرسٹرسیف

تحریکِ انصاف نے کبھی مذاکرات سے انکار نہیں کیا‘شرط یہ ہے کہ مذاکرات بامعنی ہوں اور ڈرامہ نہ ہوں،بیان

جمعہ 6 دسمبر 2024 13:04

فیک نیوز پر وفاقی وزیرِ اطلاعات کو جیل میں ڈالیں: بیرسٹرسیف

پشاور(اُردو پوائنٹ اخبارتازہ ترین - این این آئی۔ 06 دسمبر2024ء)تحریکِ انصاف کے رہنما اور کے پی حکومت کے مشیرِ اطلاعات بیرسٹر محمد علی سیف کا کہنا ہے کہ تحریکِ انصاف نے کبھی مذاکرات سے انکار نہیں کیا۔

(جاری ہے)

بیرسٹر محمد علی سیف نے اپنے بیان میں کہا ہے کہ شرط یہ ہے کہ مذاکرات بامعنی ہوں اور ڈرامہ نہ ہوں، احتجاج کے دوران بھی ہم مذاکرات کر رہے تھے۔مشیرِ اطلاعات کے پی نے کہا کہ فیک نیوز پر کسی کو جیل میں ڈالنا ہے تو پہلے وفاقی وزیرِ اطلاعات کو پکڑیں۔انہوں نے کہا کہ ہمارے سیکڑوں کارکن زخمی ہیں اور دہشت گرد بھی ہمیں کہا جا رہا ہے۔بیرسٹر سیف نے یہ بھی کہا ہے کہ آئین کے دائرے میں قانون کا نفاذ کرنا ہے تو ہم ساتھ دینے کے لیے تیار ہیں۔