Live Updates

بانی نے کہا ہم ظلم کے اس نظام کو قبول نہیں کریں گے، علیمہ خان

بانی پی ٹی آئی کو نہیں پتہ کتنے لوگ لاپتہ ہیں، ابھی تک 200 سے زائد کارکنان لاپتہ ہیں، بانی پی ٹی آئی

بدھ 11 دسمبر 2024 08:20

راولپنڈی (اُردو پوائنٹ اخبارتازہ ترین - این این آئی۔ 11 دسمبر2024ء)پاکستان تحریک انصاف (پی ٹی آئی) کے بانی عمران خان کی بہن علیمہ خان نے کہا ہے کہ بانی نے بتایا وہ لاعلم ہیں ڈی چوک میں کتنی شہادتیں ہوئیں۔ اڈیالہ جیل کے باہر میڈیا سے گفتگو کرتے ہوئے علیمہ خان نے کہا بانی پی ٹی آئی کو نہیں پتہ کتنے لوگ لاپتہ ہیں، ابھی تک 200 سے زائد کارکنان لاپتہ ہیں۔

(جاری ہے)

علیمہ خان نے کہا کہ 15 دسمبر کو یوم شہداء مقرر کیا گیا ہے، بانی پی ٹی آئی نے کہا ہم ظلم کے اس نظام کو قبول نہیں کریں گے۔علیمہ خان نے کہا کہ بانی نے 9 مئی کے بعد اب 26 نومبر کی تحقیقات کا مطالبہ بھی شامل کیا ہے۔ انہوںنے کہاکہ سپریم کورٹ کے 3 سینئر ججز پر مشتمل جوڈیشل کمیشن بنایا جائے۔ انھوں نے کہا کہ دونوں سانحات کی سی سی ٹی وی فوٹیج کے بغیر تحقیقات ممکن نہیں۔ بانی پی ٹی آئی کی ہمشیرہ نے کہا کہ ہمارے گرفتار کارکنان کو رہا کیا جائے اور غیر قانونی مقدمات ختم کیے جائیں۔