کراچی میں سردی کی لہر برقرار، کم سے کم درجہ 9.1 ڈگری سینٹی گریڈ ریکارڈ

آئندہ 24 گھنٹوں کے دوران ہلکی رفتار سے شمال مشرقی سمت سے ہوائیں چلنے کا امکان

بدھ 11 دسمبر 2024 18:20

کراچی (اُردو پوائنٹ اخبارتازہ ترین - این این آئی۔ 11 دسمبر2024ء)شہر قائد میں آئندہ 24 گھنٹوں کے دوران موسم سرد اور خشک جبکہ مطلع صاف رہے گا۔محکمہ موسمیات کے مطابق آئندہ 24 گھنٹوں کے دوران ہلکی رفتار سے شمال مشرقی سمت سے ہوائیں چلنے کا امکان ہے جبکہ اس دوران کم سے کم درجہ حرارت 10 جبکہ زیادہ سے زیادہ 28 ڈگری سینٹی گریڈ متوقع ہے۔

(جاری ہے)

کراچی کا بدھ کو کم سے کم درجہ حرارت 11.3 ڈگری سینٹی گریڈ ریکارڈ کیا گیا تاہم مضافاتی علاقے جناح ٹرمینل پر کم سے کم درجہ حرارت 9.1 اور مسرور بیس پر 12.5 ڈگری سینٹی گریڈ ریکارڈ ہوا۔واضح رہے کہ گزشتہ روز محکمہ موسمیات نے کراچی میں سردی کی لہر ایک ہفتے تک جاری رہنے کی پیش گوئی کی تھی۔