پاکستان ریلوے کا تیز رفتار ایکسپریس ٹرین چلانے کا منصوبہ

مسافروں کو جدید سہولیات دی جائیں گی

اتوار 29 دسمبر 2024 17:00

پاکستان ریلوے کا تیز رفتار ایکسپریس ٹرین چلانے کا منصوبہ

اسلام آباد (اُردو پوائنٹ اخبارتازہ ترین - اے پی پی۔ 29 دسمبر2024ء) پاکستان ریلویز لاہور اور کراچی کے درمیان ایک تیز رفتار ایکسپریس ٹرین شروع کرنے کا منصوبہ بندی کر رہی ہے جو گرین لائن ایکسپریس کی طرح ہے جو اسلام آباد اور کراچی کے درمیان براستہ لاہور چلتی ہے۔وزارت ریلوے کے اہلکار نے اے پی پی کو بتایا کہ اس نئی ٹرین سروس کا بنیادی ہدف مسافروں کو جدید سہولیات اور سفر کا بہتر تجربہ فراہم کرنا ہے۔

اہلکار نے کہا کہ متعلقہ محکموں کی ٹیمیں اس جدید ٹرین کے آغاز کی تیاریوں پر کام کر رہی ہیں جس کے اگلے سال جنوری کے آخر تک شروع ہونے کی امید ہے۔اہلکار نے اس بات پر زور دیا کہ پاکستان ریلوے مسافروں کی خدمات کو بہتر بنانے پر توجہ مرکوز کر رہا ہے، مقامی طور پر کوچز تیار کرنے کے لیے نئی ٹیکنالوجی کا استعمال کر رہا ہے۔

(جاری ہے)

انہوں نے کہا کہ محکمہ خوراک کے معیار اور صفائی کو بڑھانے کے لیے کام کر رہا ہے تاکہ مسافروں کے لیے ایک آرام دہ اور صاف ماحول کو یقینی بنایا جا سکے،گرین لائن ایکسپریس، جس کا افتتاح 2015 میں اس وقت کے وزیراعظم نے اسلام آباد کے مارگلہ ریلوے اسٹیشن پر کیا تھا، اس وقت اسلام آباد سے کراچی کنٹونمنٹ اسٹیشن تک سفر کرنے میں تقریباً 20 گھنٹے لگتے ہیں جس میں راولپنڈی، لاہور، خانیوال، ، سکھر/روہڑی، حیدرآباد، اور ڈرگ روڈ بہاولپور جیسے اہم مقامات پر اسٹاپ ہوتے ہیں۔