گورنرسندھ کا کراچی انٹر میڈیٹ بورڈ کے امتحانی نتائج پر طلبہ و طالبات کے عدم اطمینان پر نوٹس

جمعہ 3 جنوری 2025 22:49

کراچی (اُردو پوائنٹ اخبارتازہ ترین - آن لائن۔ 03 جنوری2025ء)گورنر سندھ کامران خان ٹیسوری نے کراچی انٹر میڈیٹ بورڈ کے امتحانی نتائج پر طلبہ و طالبات کے عدم اطمینان پر نوٹس لیتے ہوئے کراچی انٹر میڈیٹ بورڈ کے چیئرمین سے رپورٹ طلب کرلی۔

(جاری ہے)

گورنر سندھ نے امتحانی نتائج پر طلبہ و طالبات کے عدم اطمینان پر تشویش کا اظہار کرتے ہوئے متعلقہ حکام کو ہدایت جاری کی کہ امتحانی نتائج کی اسکروٹنی انتہائی ناگزیر ہے، گورنر سندھ نے کہا کہ کراچی کے طلبہ و طالبات کے خدشات دور کئے جائیں، اس سے قبل بھی کراچی کے طلبہ و طالبات اپنے خدشات کا اظہار کر چکے ہیں۔گورنر سندھ نے مزید کہا کہ کراچی کے طلبہ و طالبات کے ساتھ زیادتی کسی صورت برداشت نہیں کی جائے گی۔#