240 موڑ چوک تا مکوآنہ بائی پاس فیصل آباد روڈکی مرمت وبحالی اور کارپٹنگ کے لئے ایک ارب40 کروڑ روپے کے فنڈز جاری

جمعہ 3 جنوری 2025 23:05

فیصل آباد (اُردو پوائنٹ اخبارتازہ ترین - اے پی پی۔ 03 جنوری2025ء) وزیراعلیٰ پنجاب مریم نواز شریف کی خصوصی منظوری سے240 موڑ چوک تا مکوآنہ بائی پاس فیصل آباد روڈکی مرمت وبحالی اور کارپٹنگ کے لئے ایک ارب40 کروڑ روپے کے فنڈز جاری کئے گئے ہیں۔24 فٹ کارپٹ اضافی تین فٹ کناری بیس منصوبہ جون2025ء تک مکمل کرلیا جائے گا۔ ضلعی سینئر نائب صدر پاکستان مسلم لیگ (ن)آفتاب اکبر چوہدری نے بتایا کہ اس منصوبہ کے لئے فنڈز کی فراہمی میں سیکرٹری کمیونیکیشن اینڈ ورکس پنجاب سہیل اشرف اور کمشنر فیصل آباد سلوت سعید کی خصوصی کاوشیں شامل ہیں۔

آفتاب اکبر چوہدری نے سینئر رہنما پاکستان مسلم لیگ (ن)چوہدری صابر جٹ کے ہمراہ چک نمبر65 گ ب سٹاپ پر جاری مرمت وبحالی اور کارپٹنگ کے کام کامعائنہ کیا۔

(جاری ہے)

عوامی،سماجی،سیاسی، کاروباری حلقوں اورمقامی قیادت کا شکریہ ادا کیا۔ دریں اثنا وزیراعلی پنجاب مریم نواز شریف کے احکامات کی روشنی میں میونسپل کارپوریشن نے ملک پور ودیگر ملحقہ آبادیوں کے مکینوں کو نئے سال کا تحفہ دے دیا۔

عرصہ دراز سے ٹوٹ پھوٹ کی شکارملک پور روڈ کی کارپٹنگ تعمیر مکمل کرادی۔کمشنر/ایڈمنسٹریٹر میونسپل کارپوریشن سلوت سعید کی ہدایات پر شہر کی اندرونی گلیوں ورابطہ سڑکوں کی کارپٹ تعمیرکے اگلے مرحلہ میں ایم اینڈ آر فنڈز سے روڈز اور اندرونی گلیوں کی کارپٹ تعمیرمکمل کی جارہی ہے۔چیف آفیسر میونسپل کارپوریشن سید علی عباس بخاری نے زیرتکمیل کارپٹنگ کا معائنہ کیا اور کہا کہ اس اہم روڈ کی تکمیل سے شہریوں کو آمدورفت میں آسانی ہوگی۔