کون بنے گا جہانیاں بار کا سلطان تحصیل بار ایسوسی ایشن جہانیاں کے سالانہ انتخابات(کل) ہوں گے

جہانیاں (اُردو پوائنٹ اخبارتازہ ترین - این این آئی۔ 10 جنوری2025ء)کون بنے گا جہانیاں بار کا سلطان تحصیل بار ایسوسی ایشن جہانیاں کے سالانہ انتخابات(کل)11جنوری ہفتہ کو ہوں گے، وکلاء اپنا حق رائے دہی استعمال کریں گے،سکیورٹی سمیت تمام انتظامات کو حتمی شکل دے دی گئی ہے، بار ایسوسی ایشن صدرسمیت 6عہدوں اور ممبران مجلس عاملہ کی6 سیٹوں کیلئی24امیدوار میدان میں ہیں، تمام سیٹوں پر ون ٹو ون مقابلہ ہو گا۔

تفصیل کے مطابق تحصیل بار ایسوسی ایشن جہانیاں کے الیکشن/26 2025ء ہفتہ11جنوری کو ہوں گے چیئرمین الیکشن بورڈ جہانیاں بار چوہدری محمد سردار قیصر ایڈووکیٹ کے مطابق پولنگ صبح9بجے سے شام4بجے تک جاری رہے گی جبکہ ایک گھنٹے کا وقفہ کیا جائے گا۔ کل 198وکلاء ووٹ کاسٹ کریں گے جس کیلئے تمام انتظامات کو حتمی شکل دے دی گئی ہے،سکیورٹی کیلئے پولیس نفری تعینات ہو گی۔

(جاری ہے)

واضح رہے کہ جہانیاں بار ایسوسی ایشن کے صدر سمیت6 عہدوں اور مجلس عاملہ کی6سیٹوں کیلئے 24امیدوار میدان میں ہیں تمام امیدواروں کے مابین ون ٹو ون مقابلہ ہوگا۔ وکلاء کے ایک گروپ یونائیٹڈ لائرز فورم کی جانب سے متفقہ امیدوار برائے صدر چوہدری جمال ناصر ایڈووکیٹ ہیں جبکہ جنرل سیکر ٹری کی سیٹ کیلئے ملک افتخار الحسن میتلا ایڈووکیٹ امیدوار ہیں اور وکلاء کے دوسرے گروپ کی جانب سے صدر کیلئے چوہدری ذاکر حسین سندھوایڈووکیٹ اور جنرل سیکر ٹری کیلئے بلال سعید گورایہ ایڈووکیٹ میدان میں ہیں،بار کی دیگر سیٹوں میں نائب صدر کیلئے چوہدری ندیم اخترایڈووکیٹ اورچوہدری قدیر سندھوایڈووکیٹ کے مابین مقابلہ ہو گا۔

جوائنٹ سیکر ٹری کیلئے محمد ارشد خان پاندہ ایڈووکیٹ اورشاہد حسین ٹانوری ایڈووکیٹ مد مقابل ہیں۔فنانس سیکر ٹری کی سیٹ کیلئے اسنان بشیر ارقم ایڈووکیٹ اور چوہدری راشد تبسم واہلہ ملک ایڈووکیٹ کے مابین مقابلہ ہوگا جبکہ لائبریری سیکر ٹری کیلئے ملک غلام مصطفی ایڈووکیٹ اور میڈم راحت النساء رندھاوا ایڈووکیٹ کے درمیان بلا مقابلہ ہوگا۔

ممبران مجلس عاملہ کی6 سیٹوں کیلئی12امیدوار مد مقابل ہوں گے جن میں یونائیٹڈ لائرز فورم کی جانب سے چوہدری مقبول سنگھا،چوہدری ظفر اللہ کھرل،سید جمشید حیدر شاہ،گلشن آصف چوہان،ملک عمران ساجد میتلا،رانا مبشر رفیق ایڈووکیٹس اور وکلاء کے دوسرے گروپ کی جانب سے چوہدری محمد شفیق خاور،چوہدری عبدالرحمن اوٹھی،ملک صفدر حسین ہلی،مہر رفیق اوتر،حافظ توفیق احمد سندھڑا ور چوہدری محمد قاسم ضیاء ایڈووکیٹس امیدواران میں شامل ہیں۔واضح رہے کہ وکلاء کے دونوں گروپ الیکشن میں جیت کیلئے پر عزم ہیں جبکہ فیصلہ کس کے حق میں ہوگا اس کا اعلان 11جنوری کو شام کو ہوگا۔