آئندہ چوبیس گھنٹوں کے دوران لاہور میں موسم سرد، خشک اور دھند چھائے رہنے کا امکان

پیر 13 جنوری 2025 23:17

لاہور (اُردو پوائنٹ اخبارتازہ ترین - اے پی پی۔ 13 جنوری2025ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران لاہور سمیت پنجاب کے بیشتر علاقوں میں موسم سرد اور خشک رہنے کا امکان ہے ۔ پنجاب کے بیشتر اضلاع میں صبح اور رات کے اوقات میں درمیانی سے شد ید دھند چھائے رہنے کی توقع ہے ۔گزشتہ 24 گھنٹوں کے دوران پنجاب کے بیشتر اضلاع میں درمیانی سے شدید دھند چھائی رہی۔

(جاری ہے)

لاہور میں کم سے کم درجہ حرارت 07اور زیادہ سے زیادہ 19سینٹی گریڈ ریکارڈ کیا گیا جبکہ ہوا میں نمی کا تناسب43 رہا۔لا ہور میں آلودگی کی مجموعی شرح 169فیصد رہی جبکہ شہر کے مختلف علاقوں میں ایئر کوالٹی انڈ یکس ہائیکنگ اینڈ مونٹینی 183،یو ایم ٹی 139،پاور زون193،اایوی گرین194، پولو گراونڈ 184،ایم ایم عالم روڈ197،ذکی فارمز 213 اور فدا حسین روڈ پر 184ایئر کوالٹی انڈیکس ریکارڈ کیا گیا ۔