جمشید کوارٹرز پولیس نے گٹکا ماوا فروش ملزمان کے خلاف کارروائیاں کرکے ملزمان کو گٹکا سمیت گرفتارکرلیا

جمعرات 16 جنوری 2025 17:36

کراچی (اُردو پوائنٹ اخبارتازہ ترین - این این آئی۔ 16 جنوری2025ء) تھانہ جمشید کوارٹرز پولیس نے گٹکا ماوا فروش ملزمان کے خلاف کارروائیاں کرکے ملزمان کو گٹکا سمیت گرفتارکرلیا ہے ۔تفصیلات کے مطابق پولیس نے خفیہ اطلاع پر دو مختلف کارروائیاں کر کے تین گٹکا ماوا فروش ملزمان کو گرفتار کیا۔

(جاری ہے)

گرفتار ملزمان کے قبضے سے 20 کلو سے زائد چھالیہ، 75 پڑیاں تیار مضرِ صحت گٹکا ماوا، گٹکا تیار کرنے والا دیگر سامان اور فروختگی کی رقم برآمد کرلی گئی۔

گرفتار ملزمان کے خلاف سندھ گٹکا ماوا ایکٹ کے تحت مقدمات درج کر کے تفتیش کا آغاز کردیا گیا ہے۔گرفتار ملزمان میں قادر بخش ولد جان محمد، شمائل ولد عبدالغنی اور عاصف ولد محمد یوسف شامل ہیں۔گرفتار ملزمان کے سابقہ کرمنل ریکارڈ کے متعلق معلومات حاصل کی جا رہی ہیں۔