ٹ*پشاور‘ بل گیٹس فاؤنڈیشن کیساتھ صحت مراکز منصوبہ ختم ہونیکا اندیشہ

&بل گیٹس فاؤنڈیشن نے پولیو کی55 ہائی رسک ایریاز کیلئی15 صحت مراکز کی مفت تعمیر کی پیشکش کی ہے

ہفتہ 18 جنوری 2025 18:30

h پشاور(اُردو پوائنٹ اخبارتازہ ترین - آن لائن۔ 18 جنوری2025ء)بل گیٹس فاؤنڈیشن کے ساتھ صحت مراکز منصوبہ ختم ہونے کا اندیشہ پیدا ہوگیا۔ذرائع کے مطابق بل گیٹس فاونڈیشن نے پولیو کی55 ہائی رسک ایریاز کیلئی15 صحت مراکز کی مفت تعمیر کی پیشکش کی ہے، ذرائع محکمہ صحت کے مطابق صحت مراکز کیلئے محکمہ بلدیات کی 4 جگہوں کی نشاندہی کی گئی ہے۔ذرائع کا کہنا ہے کہ محکمہ بلدیات نے تاحال صحت مراکز کیلئے سائٹس اور این او سی جاری نہیں کی، مارچ تک گیٹس فاونڈیشن کو اراضی فراہم نہ کی گئی تو منصوبہ ختم ہوجائیگا۔

ذرائع محکمہ صحت کا کہنا ہے کہ بل گیٹس فاؤنڈیشن کی جانب سے مزید فنڈز بھی روک دیے جائیں گے، سائٹس پر پولیو قطرے، حفاظتی ٹیکہ جات، ہیلتھ سینٹرز کیلئے عمارتیں تعمیر کرنی ہیں، پشاور: معاہدے کے تحت اراضی فراہم کرنیپر فاونڈیشن سولرائزڈ صحت مراکز تعمیرکرے گا،ذرائع کا کہنا ہے کہ 15 صحت مراکز2020 سے گیٹس فاؤنڈیشن کے تعاون سے کرائے کی عمارتوں میں قائم ہیں، معاہدے کے تحت صحت مراکز کے اخراجات دسمبر 2025 تک گیٹس فاؤنڈیشن برداشت کریگا۔

(جاری ہے)

ذرائع کے مطابق صحت مراکز کے قیام سے پہلے ہائی رسک یونین کونسلوں میں انسداد پولیو مہم کی کوریج 49 فیصد تھی،15 صحت مراکز کے قیام کے بعد انسدادپولیو مہم کی کوریج 80 فیصد تک بڑھ گئی۔سیکرٹری ہیلتھ عدیل شاہ نے کہا کہ بی ایچ یوزکیلئیمحکمہ بلدیات کو سائٹس اور این او سی فراہم کرنیکی درخواست کی ہے، کوشش ہے کہ منصوبے پر جلد سے جلد کام مکمل کرلیا جائے۔