پاک افغان حکومتوں کا براہ راست رابطہ ضروری ہے، سکندر شیرپاؤ

بدھ 22 جنوری 2025 21:47

اسلام آباد(اُردو پوائنٹ اخبارتازہ ترین - این این آئی۔ 22 جنوری2025ء)قومی وطن پارٹی کے صوبائی چیئرمین سکندر حیات خان شیرپاؤنے کہا ہے کہ پاک افغان حکومتوں کا براہ راست رابطہ ضروری ہے۔نجی ٹی وی سے گفتگو کرتے ہوئے سکندر حیات خان شیرپاؤ نے کہا کہ دونوں ممالک میں تجارت اور دہشتگردی جیسے مسائل پر تعاون ہونا چاہیے۔

(جاری ہے)

انہوں نے کہا کہ گورنر اور وزیراعلیٰ کے پی کو علاقائی سیاست سے باہر آنا چاہیے، صوبے کے امن و امان کے مسائل سے متعلق تمام سیاسی قیادت متفق ہے۔

سکندر شیرپاؤ نے کہاکہ آرمی چیف سے ملاقات میں سیاسی قائدین نے امن و امان پر خدشات کا اظہار کیا، آرمی چیف نے سیاسی قائدین سے مسائل کے حل کیلئے تجاویز طلب کیں۔انہوںنے کہاکہ چیئرمین پی ٹی آئی بیرسٹر گوہر نے مکمل تعاون کی یقین دہانی کروائی۔