جی ڈی اے کی کور کمیٹی کا اہم اجلاس پیر صاحب پگارا کی صدارت میں(آج) ہوگا سردار عبدالرحیم

جمعرات 23 جنوری 2025 19:45

کراچی (اُردو پوائنٹ اخبارتازہ ترین - این این آئی۔ 23 جنوری2025ء) گرینڈ ڈیموکریٹک الائنس (جی ڈی ای)کی کور کمیٹی کا اجلاس آج ( جمعہ )کے دن جی ڈی اے کے سربراہ پیر صاحب پگارا کی صدارت میں ان کی رہائش گاہ راجہ ہاس پر منعقد ہوگا ، ان خیالات کا اظہار جی ڈی اے کے سیکریٹری اطلاعات سردار عبدالرحیم کیا سردار عبدالرحیم نے کہا کہ ہونیوالے اجلاس میں ملک کی موجودہ سیاسی صورتحال ، ارسا ایکٹ ترامیم اور نئی کینال نکالنے سمیت سندھ کے اہم معاملات پر تفصیلی گفتگو کی جائے گی ، انہوں نے کہا کہ اجلاس میں جی ڈی اے کی کور کمیٹی کے اراکین پیر سید صدرالدین شاھ راشدی ، ڈاکٹر صفدر عباسی ، ارباب غلام رحیم ، سید زین شاھ ، ایاز لطیف پلیجو، لیاقت جتوئی ، ڈاکٹر ذوالفقارمرزا ، ڈاکٹر فھمیدہ مرزا ، مسرور خان جتوئی ، سردار عبدالرحیم ، حسنین مرزا ، عرفان اللہ خان مروت سمیت جی ڈی اے کے رہنما شرکت کریں گے ، اجلاس کے حوالے سے سردار عبدالرحیم نے کہا کہ پیر صاحب پگارا کی صدارت میں جی ڈی اے کی کور کمیٹی کے اعلی سطحی اجلاس میں ملک کی موجودہ سیاسی صورتحال پر تبادلہ خیال ہوگا ، جبکہ ارسا ایکٹ ترامیم اور دریائے سندھ سے مزید کینال نکالنے سمیت امن و امان کی خراب صورتحال اور حکومتی کرپشن سمیت دیگر سندھ کے اہم معاملات پر تفصیلی گفتگو اور اہم فیصلے کیے جائیں گے۔