Live Updates

عدت نکاح کیس؛ عمران خان و بشری بی بی کی بریت کیخلاف اپیل سماعت کیلئے مقرر

خاور مانیکا نے 13 جولائی 2024ء کا ایڈیشنل سیشن جج کا بریت کا فیصلہ اسلام آباد ہائیکورٹ میں چیلنج کر رکھا ہے

ساجد علی اتوار 26 جنوری 2025 18:00

عدت نکاح کیس؛ عمران خان و بشری بی بی کی بریت کیخلاف اپیل سماعت کیلئے ..

اسلام آباد ( اُردو پوائنٹ اخبارتازہ ترین۔ 26 جنوری2025ء) اسلام آباد ہائی کورٹ نے عدت نکاح کیس میں سابق وزیراعظم عمران خان اور ان کی اہلیہ سابقہ خاتون اول بشریٰ بی بی کی بریت کے خلاف خاور مانیکا کی اپیل سماعت کے لیے مقرر کردی۔ تفصیلات کے مطابق اسلام آباد ہائی کورٹ میں تعینات نئے جج جسٹس اعظم خان کل بروز پیر اس کیس کی سماعت کریں گے، جہاں خاور مانیکا نے 13 جولائی 2024ء کا ایڈیشنل سیشن جج کا بریت کا فیصلہ چیلنج کر رکھا ہے، انہوں نے درخواست میں ایڈیشنل سیشن جج کا فیصلہ کالعدم قرار دینے کی استدعا کی ہے، ایڈیشنل سیشن جج نے 13 جولائی 2024ء کو بانی پی ٹی آئی اور بشری بی بی کو عدت نکاح کیس میں بری کردیا تھا۔

(جاری ہے)

بتایا گیا ہے کہ خاور مانیکا نے ایڈیشنل سیشن جج کے فیصلے کے خلاف اپیل دائر کر رکھی ہے، ڈسٹرکٹ اینڈ سیشن کورٹس اسلام آباد نے عدت کے دوران نکاح کیس میں عمران خان اور بشریٰ بی بی کی سزا کے خلاف اپیلیں منظور کرکے انہیں باعزت طور پر بری کیا تھا جب کہ اس سے قبل سینئر سول جج قدرت اللہ نے اڈیالہ جیل میں عدت نکاح کیس میں عمران خان اور بشریٰ بی بی کو 7، 7 سال قید کی سزا سنائی تھی، دوران سماعت بانی پی ٹی آئی کی طرف سے وکیل سلمان اکرم راجہ اور بشریٰ بی بی کی جانب سے وکیل عثمان ریاض گل نے نے استغاثہ کے چاروں گواہوں پر گواہوں سے جرح کی تھی، گواہوں میں خاور مانیکا، عون چوپدری، نکاح خواں مفتی سعید اور ملازم لطیف عدالت میں پیش ہوئے تھے۔