Live Updates

جنگ کا آغاز ہماری طرف سے نہیں ہوگا لیکن اگر جنگ مسلط کی گئی تو بھرپور ردعمل دیں گے

جتنی طاقت بھارت استعمال کرے گا اس سے زیادہ ہم کریں گے، وقت گزرنے کے ساتھ بھارت کے حملے کے خطرات بڑھ رہے ہیں، وزیردفاع خواجہ آصف کا ردعمل

ثنااللہ ناگرہ بدھ 30 اپریل 2025 22:55

جنگ کا آغاز ہماری طرف سے نہیں ہوگا لیکن اگر جنگ مسلط کی گئی تو بھرپور ..

اسلام آباد ( اردوپوائنٹ اخبار تازہ ترین۔ آئی پی اے ۔ 30 اپریل 2025ء ) وزیردفاع خواجہ آصف نے کہا ہے کہ وقت گزرنے کے ساتھ بھارت کے حملے کے خطرات بڑھ رہے ہیں، جنگ کا آغاز ہماری طرف سے نہیں ہوگا لیکن اگر جنگ مسلط کی گئی تو بھرپور ردعمل دیں گے۔ میڈیا کے مطابق وزیردفاع خواجہ آصف نے اپنے ردعمل میں کہا کہ وزیراعظم شہبازشریف نے پہلگام حملے کی آزادانہ تحقیقات کا مطالبہ کیا ہے مگر بھارت نے اس کا کوئی جواب نہیں دیا، بھارت حملے کی تحقیقات نہیں چاہتا تو دال میں کچھ تو کالا ہے۔

دوست ممالک ثالثی کی کوشش کر رہے ہیں، دوست ممالک چاہتے ہیں جنگ کی صورتحال نہ بنے۔ مزید برآں ترجمان پاک فوج لیفٹیننٹ جنرل احمد شریف چوہدری نے کہا ہے کہ فوجی تصادم کا راستہ چننا بھارت کی چوائس ہوگی لیکن آگے کہاں جانا ہے یہ ہماری چوائس ہوگی، افواج پاکستان مشرقی اور مغربی سرحدوں پر چوکنا ہے، پاکستان کی خودمختاری اور سلامتی کیلئے کسی بھی حد تک جائیں گے، قوم بھارت کی کسی بھی کاروائی کا بھرپور جواب دینے کیلئے متحد ہے۔

(جاری ہے)

ڈی جی آئی ایس پی آر لیفٹیننٹ جنرل احمد شریف چوہدری نے وزیرخارجہ اور نائب وزیراعظم اسحاق ڈار کے ہمراہ مشترکہ نیوزکانفرنس کی۔ترجمان پاک فوج لیفٹیننٹ جنرل احمد شریف چوہدری نے کہا کہ پلوامہ واقعے کو سیاسی مقاصد کیلئے جبکہ پہلگام واقعے کو سندھ طاس معاہدہ معطل کرنے کیلئے استعمال کیا گیا ہے، پہلگام واقعے کا مقصد پاکستان کی دہشتگردی کیخلاف جنگ سے توجہ ہٹانا بھی ہے، پہلگام واقعہ ایل اوسی سے 230 کلومیٹر دور ہوا۔

ہم پہلگام واقعہ کے الزام پر نہیں بلکہ حقائق پر جائیں گے، جائے وقوعہ سے پولیس اسٹیشن پہنچنے کیلئے کم سے کم 30 منٹ کا سفر ہے، 10منٹ میں کیسے ممکن ہے کہ کوئی ایف آئی آر درج کرا دے، 10منٹ میں درج ایف آئی آر میں ہینڈلرز جیسے الفاظ استعمال کئے گئے، واقعے کے فوری بعد درج ایف آئی آرنے سوالات پیدا کردیئے ہیں۔ بھارت کے عوام خود کہہ رہے ہیں کہ پہگام واقعہ سکیورٹی نااہلی ہے،الزام تراشی کی بجائے بھارتی حکومت کو سوالوں کے جوابات دینا ہوں گے۔