نیا سال بھی چین کیلئے مزید تیز رفتار ترقی اور خوشحالی کا سال ثابت ہو گا

بدھ 29 جنوری 2025 23:04

اسلام آباد(اُردو پوائنٹ اخبارتازہ ترین - آن لائن۔ 29 جنوری2025ء)وفاقی وزیر داخلہ محسن نقوی نے عوامی جمہوریہ چین کے نئے سال کے آغاز پر چینی قیادت اورعوام کو مبارکباددیتے ہوئے کہا ہے کہ چین کے نئے سال کے آغاز پر چینی قیادت اور عوام کے لئے نیک خواہشات کااظہار کرتا ہوں۔ نیا سال بھی چین کیلئے مزید تیز رفتار ترقی اور خوشحالی کا سال ثابت ہو گا۔

(جاری ہے)

محسن نقوی نے ایک بیان میں کہا کہ نئے سال کے دوران چین پائیدار ترقی کی نئی منازل طے کرے گا۔ چین کی قیادت نے محنت، عزم اور جذبے کے ساتھ ترقی کی منزل حاصل کی۔چینی قوم نے اپنی عظیم لیڈر شپ میں غربت، بے روزگاری اور کرپشن کیخلاف کامیاب جدوجہد کی، چین پاکستان کاسب سے زیادہ با اعتماد دوست ہے۔ محسن نقوی نے کہا کہ پاک چین دوستی پوری دنیا میں اپنی مثال آپ ہے۔ کوئی بھی پاک چین دوستی کو زک نہیں پہنچا سکتا۔ پاک چین ناقابل تسخیر دوستی اور gسٹریٹجک شراکت داری کو قدر کی نگاہ سے دیکھتے ہیں۔