پنجاب کے بیشتر علاقوں میں آئندہ چوبیس گھنٹوں کے دوران موسم سرد اور خشک رہنے کا امکان

منگل 4 فروری 2025 17:04

لاہور (اُردو پوائنٹ اخبارتازہ ترین - اے پی پی۔ 04 فروری2025ء) پنجاب کے بیشتر علاقوں میں آئندہ 24 گھنٹوں کے دوران موسم سرد اور خشک رہنے کا امکان ہے۔محکمہ موسمیات کے مطابق صوبہ کے بیشتر علاقوں میں موسم سرد اور خشک رہنے کا امکان ہے تاہم لاہور، شیخوپورہ، قصور، اوکاڑہ ، ننکا نہ صا حب، سیالکوٹ،نارووال، گوجرانوالہ اور حا فظ آباد میں صبح کے اوقات میں ہلکی سے درمیانی دھند پڑ نے کی توقع ہے۔

(جاری ہے)

گزشتہ 24 گھنٹوں کے دوران پنجاب کے بیشتر علاقوں میں موسم سرد ، خشک اور مطلع ابر آلود رہا۔لاہور میں کم سے کم درجہ حرارت 8اور زیادہ سے زیادہ 21سینٹی گریڈ ریکارڈ کیا گیا جبکہ ہوا میں نمی کا تناسب38رہا۔لا ہور میں آلودگی کی مجموعی شرح 166فیصد رہی جبکہ شہر کے مختلف علاقوں گرینڈ چارٹرسکول میں ایئر کوالٹی انڈ یکس 221، پاورزون میں 183،عسکری ٹین180،پولو گرانڈ 181،فیز ایٹ ڈی ایچ اے 181،پاکستان انجینئرنگ سروسز 181،سی ای آر پی آفس177اورڈائمنڈ پینٹس میں 176ایئر کوالٹی انڈیکس ریکارڈ کیا گیا۔