وہ دن دور نہیں جب کشمیری آزادی کا سورج طلوع ہوتے ہوئے اپنی آنکھوں سے دیکھیں گے ،چوہدری سالک حسین

بدھ 5 فروری 2025 23:12

اسلام آباد(اُردو پوائنٹ اخبارتازہ ترین - این این آئی۔ 05 فروری2025ء)یوم یکجہتی کشمیر کے موقع پروفاقی دارالحکومت اسلام آباد میں ورلڈ مینارٹی الائنس کے زیر اہتمام آزادی کشمیر ریلی کا انعقادکیا گیا،ریلی کی قیادت کنونیئر ورلڈ مینارٹی الائنس، نوبل پیس پرائز کیلئے نامزد امیدوار اور سابق وفاقی وزیر جے سالک نے کی،ریلی سیکٹرجی سکس میںجے سالک کی رہائشگاہ سے شروع ہو کر نیشنل پریس کلب پر اختتام پذیر ہوئی۔

(جاری ہے)

ریلی کے شرکاء سے خطاب کرتے ہوئے جے سالک نے کہا کہ کشمیریوں کے جذبہ آزادی کو ختم نہیں کیا جا سکتا، پوری پاکستانی قوم بالخصوص مسیحی برادری کشمیریوں کے ساتھ ہیں، یوم یکجہتی کشمیر کا دن منانے کا مقصد امن کے دعویداروںکا ضمیر جھنجوڑنا ہے تاکہ انکی توجہ مظلوم کشمیریوں پر بھارت کی جانب سے ڈھائے جانیوالے مظالم کی طرف دلائی جا سکے۔انہوںنے کہاکہ آزادی کی خاطر اپنی جانوں کی قربانیاں دینے والے حریت پسند کشمیریوںکے جذبے کو سلام پیش کرتے ہیںاور آزادی کی اس جنگ میں ان کے شانہ بشانہ کھڑے ہیں،انشاء اللہ وہ دن دور نہیں جب کشمیری آزادی کا سورج طلوع ہوتے ہوئے اپنی آنکھوں سے دیکھیں گے ۔