وزیراعلیٰ پنجاب مریم نواز۔۔۔ عوام کی آواز

چیف منسٹرکمپلینٹ سیل کا شہری کا مسئلہ 24 گھنٹے میں حل کوٹ ادو کے ذیشان افضل کا وراثت سے متعلق معاملہ ایک سال سے حل طلب تھا

جمعہ 7 فروری 2025 17:26

وزیراعلیٰ پنجاب مریم نواز۔۔۔ عوام کی آواز

لاہور (اُردو پوائنٹ اخبارتازہ ترین - این این آئی۔ 07 فروری2025ء) وزیراعلیٰ پنجاب مریم نوازشریف کے قائم کردہ چیف منسٹر کمپلینٹ سیل نے شہری کا مسئلہ 24گھنٹے کے اندر حل کردیا ہے۔ کوٹ ادو کے ذیشان افضل کا وراثت سے متعلق معاملہ ایک سال سے حل طلب تھا۔ ذیشان افضل نے چیف منسٹر کمپلینٹ سیل میں شکایت درج کرائی تھی۔

(جاری ہے)

وزیراعلیٰ کمپلینٹ سیل کے چیئرمین شعیب مرزا نے فوری ایکشن لیتے ہوئے کوٹ ادو کے ریونیو آفس کو ذیشان افضل کے وراثت کے مسئلے کو فوری حل کرنے کی ہدایت کی۔

چیف منسٹر کمپلینٹ سیل کی ہدایت پر ریونیو آفس کوٹ ادو نے ذیشان افضل کی وراثت کا مسئلہ 24گھنٹے میں حل کر دیا۔ کوٹ ادو کے ذیشان افضل نے وزیراعلیٰ مریم نوازشریف کو خراج تحسین پیش کیا اور شکریہ بھی ادا کیا۔ ذیشان افضل نے بتایا کہ کوٹ ادو کے ریونیو آفس کے چکر لگالگا کر تھک چکا تھا،چیف منسٹر کمپلینٹ سیل نے معاونت کی۔ مسئلہ حل کرانے پر وزیراعلیٰ مریم نوازشریف اوران کی ٹیم کا شکریہ ادا کرتا ہوں۔