جی سی یونیورسٹی میں آٹومیشن اورمصنوعی ذہانت پرپینل ڈسکشن

جمعرات 13 فروری 2025 20:01

لاہور (اُردو پوائنٹ اخبارتازہ ترین - این این آئی۔ 13 فروری2025ء)گورنمنٹ کالج یونیورسٹی لاہور کی محبوب الحق اکنامکس سوسائٹی کے زیر اہتمامپاکستان کی معیشت میں آٹومیشن اور مصنوعی ذہانت کے کردارپر پینل ڈسکشن کا انعقاد کیا گیا۔

(جاری ہے)

تقریب میں سربراہ ڈیپارٹمنٹ آف پبلک پالیسی اینڈ گورننس ڈاکٹر شہزاد حسین، ڈاکٹر فریحہ ظفر،ڈاکٹر عزیر احسن، وجاہت عثمان اور ڈاکٹر محرونہ سمیت مختلف شعبوں کے ماہرین نے شرکت کی اور جدید ٹیکنالوجی کے اثرات پر گفتگو کی۔

ڈاکٹر شہزاد حسین کا کہنا تھا کہ پاکستان کو نئی ٹیکنالوجی اپنانے کی ضرورت ہے تاکہ ملکی معیشت کو جدید تقاضوں سے ہم آہنگ کیا جا سکے۔ انہوں نے کہا کہ آئی ٹی کی مہارتیں ہر طالب علم کے لیے ناگزیر ہو چکی ہیں، جبکہ مصنوعی ذہانت ملازمتوں کے خاتمے کے بجائے نئے مواقع پیدا کرے گی۔پینل ڈسکشن کے اختتام پر طلبہ اور ماہرین کے درمیان سوال و جواب کا سیشن ہوا، جس میں مصنوعی ذہانت اور آٹومیشن کے مختلف پہلوں پر تبادلہ خیال کیا گیا۔