منی لانڈرنگ کیس میں پیشرفت، مونس الٰہی کی گرفتاری سے متعلق رپورٹ طلب

مونس الٰہی کی جائیدادیں منجمد کرنے کے دورانیے میں توسیع ،دیگر 8ملزمان کی جائیدادیں بھی منجمد رہیں گی

بدھ 19 فروری 2025 15:23

لاہور (اُردو پوائنٹ اخبارتازہ ترین - این این آئی۔ 19 فروری2025ء) عدالت نے منی لانڈرنگ کیس میں سابق وفاقی وزیر مونس الٰہی کی گرفتاری سے متعلق رپورٹ طلب کر لی۔اسپیشل سینٹرل عدالت لاہور نے منی لانڈرنگ کے مقدمے میں 20فروری کو وفاقی تحقیقاتی ادارے (ایف ائی ای) کے اسسٹنٹ ڈائریکٹر کو طلب کر لیا۔

(جاری ہے)

لاہور کی خصوصی عدالت نے ملزم پاکستان تحریک انصاف کے رہنما مونس الٰہی کی جائیدادیں منجمد کرنے کے دورانیے میں بھی توسیع کردی جبکہ دیگر 8ملزمان کی جائیدادیں بھی منجمد رہیں گی۔خصوصی عدالت نے مقدمے میں مونس الٰہی کے شریک ملزم جبران کی گرفتاری سے متعلق بھی رپورٹ طلب کر لی، خصوصی عدالت میں ایف آئی اے میں درج کیے گئے منی لانڈرنگ کیس پر مزید سماعت آج 20فروری کو ہو گی۔