پاکستان کی ترقی میں چین اپنا بھرپور کردار ادا کر رہا ہے، چائنیز قونصل جنرل ژا ؤشیریں

بدھ 19 فروری 2025 19:20

لاہور (اُردو پوائنٹ اخبارتازہ ترین - اے پی پی۔ 19 فروری2025ء) چینی قونصل جنرل ژاؤ شیریں نے کہا ہے کہ پاکستان کی ترقی میں چین اپنا بھرپور کردار ادا کر رہا ہے اور آئندہ بھی کرتا رہے گا۔وہ پنجاب یونیورسٹی وائس چانسلر آفس کے کمیٹی روم میں چین کے نئے سال کے سلسلے میں کیک کاٹنے کی تقریب سے خطاب کر رہے تھے۔ اس موقع پر وائس چانسلر پنجاب یونیورسٹی پروفیسرڈاکٹر محمد علی،چیف ایگزیکٹو آفیسر اورنج لائن ڑین زدونگ، پرو وائس چانسلر ڈاکٹر خالد محمود، ڈائریکٹر کنفیوشش انسٹیٹیوٹ ڈاکٹر ثوبیہ خرم، پنجاب یونیورسٹی چائنیز اساتذہ اورطلبا نے شرکت کی۔

(جاری ہے)

تقریب میں چائینیز قونصل جنرل ژاشیریں اور وائس چانسلر پروفیسر ڈاکٹر محمد علی نے نئے سال کی تقریبات کا کیک کاٹا گیا۔اپنے خطاب میں ژا ؤشیریں نے کہاکہ پاکستانی عوام کی محبت کا تہہ دل سے شکریہ ادا کرتے ہیں۔ انہوں نے کہا کہ امید ہے کہ نیا سال ہمارے لئے زیادہ خوشحالی لائے گا۔ پروفیسر ڈاکٹر محمد علی نے نئے سال پر چائینیز قوم کو مبارکباد پیش کرتے ہوئے کہا کہ چین پاکستان کا آزمودہ دوست ہے۔ انہو ں نے کہا کہ پاکستانی اور چینی عوام ایک دوسرے سے جڑے ہوئے ہیں۔ انہوں نے کہا کہ پاکستان میں چینی زبان کے فروغ میں کردار ادا کر رہے ہیں۔