کسٹمز انفورسمنٹ کا چھاپہ؛ 30 کلو چھالیہ، ایک ہزار کلو سے زائد تمباکو برآمد

جمعرات 20 فروری 2025 18:48

کراچی (اُردو پوائنٹ اخبارتازہ ترین - این این آئی۔ 20 فروری2025ء)پاکستان کسٹمز انفورسمنٹ نے انسداد اسمگلنگ مہم کے چھاپہ مارکر کراچی کے علاقے لانڈھی کے گودام سے چھالیہ سمیت دیگر اشیا برآمد کرلیں۔ ڈپٹی کلکٹر کسٹمز رضا نقوی کے مطابق بابر مارکیٹ لانڈھی کے گودام سے اسمگل شدہ 30 کلو چھالیہ، 120کلو کتھا 1680کلو تمباکو، 400 کلو پیکنگ میٹیریل برآمد کیا گیا۔

برآمد ہونے والی اسمگل شدہ اشیاء کی مالیت 45لاکھ روپے ہے۔ اسمگل شدہ اشیا کو بلوچستان سے کراچی منتقل کیا گیا تھا۔

(جاری ہے)

مقدمہ درج کرکے تمام اشیاء ضبط کر کے اے ایس او کسٹمز گودام منتقل کردیا گیا ہے۔دوسری جانب اسپیشل انویسٹی گیشن یونٹ سی آئی اے کراچی نے بین الصوبائی منشیات فروشوں کے خلاف کارروائی کرتے ہوئے کورنگی کے علاقے میں قبرستان کی حدود علاقہ زمان ٹاؤن کے قریب چھاپا مارا اور ملزم امیر ولد ابراہیم کو گرفتار کرلیا جس کے قبضے سے 1215 گرام چرس برآمد ہوئی۔

دورانِ تفتیش ملزم نے انکشاف کیا کہ وہ اپنے دیگر ساتھیوں کے ساتھ مل کر ملک کے مختلف علاقوں سے منشیات منگوا کر کراچی میں سپلائی کرتے ہیں۔ ملزم کے خلاف نارکوٹکس کنٹرول ترمیم شدہ ایکٹ کے تحت مقدمہ درج کرلیا گیا ہے۔