صوبے کے بیشتر علاقوں میں موسم جزوی طور پر ابر آلود اور سرد رہنے کا امکان ہے، محکمہ موسمیات

جمعرات 20 فروری 2025 21:51

کوئٹہ (اُردو پوائنٹ اخبارتازہ ترین - آن لائن۔ 20 فروری2025ء) علاقائی موسمیاتی مرکز بلوچستان کے مطابق جمعرات کو صوبے کے بیشتر علاقوں میں موسم جزوی طور پر ابر آلود اور سرد رہنے کا امکان ہے۔ تاہم ضلع چاغی، پنجگور، کیچ، لسبیلہ، سوراب کے کچھ علاقوں میں شام اور رات کے اوقات میں اور مستونگ، قلات، کوئٹہ سمیت اس کے گردونواح میں رات گئے کے اوقات میں بارش بوندا باندی ہوسکتی ہے۔

شمالی اضلاع کے انتہائی پہاڑی علاقوں میں ہلکی برفباری ہو سکتی ہے جمعہ کو صوبے کے بیشتر علاقوں میں موسم جزوی طور پر ابر آلود رہنے کی توقع ہے۔

(جاری ہے)

تاہم ضلع پنجگور، لسبیلہ، خضدار، چاغی، واشک، خاران، سوراب، قلات، کوئٹہ، مستونگ، نوشکی، پشین، بولان، چمن، قلعہ سیف اللہ، لورالائی، ہرنائی، زیارت، کوچی، عبداللہ، شیرانی، کوچی اور قلعہ میں چند مقامات پر تیز ہواوں اور گرج چمک کے ساتھ بارش کا امکان ہے۔

شمالی اور وسطی اضلاع کے انتہائی پہاڑی علاقوں میں ہلکی برفباری ہو سکتی ہے گزشتہ 24 گھنٹوں کے دوران زیارت میں (10.5) ملی میٹر بارش ریکارڈ کی گئی جبکہ سمنگلی (09.0)،ژوب (08.0)، بارکھان (05.0)، سبی (06.0)، لورالائی (05.0)، قلات (02.0)، کوئٹہ (01.0)، سریاب میں (08.0) ملی میٹر بارش ریکارڈ کیا گیا۔ جبکہ سب سے کم درجہ حرارت کوئٹہ میں ریکارڈ کیا گیا۔