Live Updates

اسلام آبادُوفاقی سرکاری ملازمین کا احتجاج جمعہ کو بھی جاری رہا

احتجاج کے باعث ریڈزون میں آنے جانے کے تمام راستے بند رکھے گئے‘ شہریوں کو شدید مشکلات کا سامنا y ملازمین کا مطالبات تسلیم ہونے تک احتجاج جاری رکھنے کا اعلان

جمعہ 21 فروری 2025 13:20

ا*اسلام آباد(اُردو پوائنٹ اخبارتازہ ترین - آن لائن۔ 21 فروری2025ء)اسلام آبادُوفاقی سرکاری ملازمین کا احتجاج جمعہ کو بھی جاری رہا۔ احتجاج کے باعث ریڈزون میں آنے جانے کے تمام راستے بند رکھے گئے جس سے شہریوں کو شدید مشکلات کا سامنا کرنا پڑا۔ ملازمین نے مطالبات تسلیم ہونے تک احتجاج جاری رکھنے کا اعلان کیا ہے ۔

(جاری ہے)

ان کا مطالبہ ہے کہ وفاقی سرکاری اداروں کے ملازمین کی تنخواہوں میں تفریق ختم کی جائے، صوبائی طرز پر تمام وفاقی ملازمین کی اپگریڈیشن بمہ مراعات کی جائے،لیو انکیشمنٹ اور وفاقی ملازمین کی پینشن اصلاحات واپس لی جائیں،بجٹ 2024-25 میں تنخواہوں پر نافذ کردہ ٹیکس واپس لئے جائیں،اسکولوں و اداروں کی بندش و نجکاری کے بجائے بہتر اصلاحات کی جائیں، اداروں کی نجکاری کے دوران ملازمین کی نوکریوں کا تحفظ یقینی بنایا جائے، دورانِ ملازمت وفات پانے والوں کے بچوں کو بمطابق عدالتی فیصلہ ملازمت دی جائے،سرکاری ملازمین کا مطالبہ یہ بھی ہے کہ ظالمانہ پنشن اصلاحات کو فی الفور واپس لیا جائے۔