ساہیوال، تیزرفتار اے سی بس کی ٹریکٹر ٹرالر کو ٹکر ،زمیندار کا بیٹا جاں بحق ،ڈرائیور فرار

پیر 23 جون 2025 22:51

ساہیوال (اُردو پوائنٹ اخبارتازہ ترین - این این آئی۔ 23 جون2025ء)جی ٹی روڈ پر چک کی 116 بارہ ایل میں ایک ٹریکٹر ٹرالر سے تیز رفتار اے سی بس ٹکرا گئی جس کے نتیجہ میں زمیندار کا بیٹا محمد رئیس جاں بحق ہوگیا۔

(جاری ہے)

تفصیلات کے مطابق زمیندار محمد صدیق کا بیٹا محمد رئیس ٹریکٹر ٹرالر نمبر 5667 ایل آر سی لے کر جنس منڈی پہنچانے جا رہا تھا تو تیز رفتار مسافر اے سی بس نمبر 678 بی ایس ڈی کے ڈرائیور نے غفلت لاپرواہی سے چلاتے ہوئے ٹکر ماری جس سے ٹریکٹر الٹ گیا اور محمد رئیس نیچے آ کر موقع پر ہی جا ں بحق ہو گیا بس ڈرائیور حادثہ کے بعد بس کو چھوڑ کر فرار ہو گیا۔ پولیس کسووال نے ڈرائیور کے خلاف مقدمہ 322 ت پ درج کر لیا ہے ڈرائیور ابھی تک گرفتار نہیں ہو سکا۔