محکمہ موسمیات کی25 سے 28 فروری کے دوران فیصل آباد سمیت دیگر شہروں میں بارشوں کی پیشگوئی

پیر 24 فروری 2025 16:21

فیصل آباد (اُردو پوائنٹ اخبارتازہ ترین - اے پی پی۔ 24 فروری2025ء) محکمہ موسمیات نے25 سے 28 فروری کے دوران فیصل آباد، ٹوبہ ٹیک سنگھ، جھنگ، لاہور،، شیخو پورہ، نارووال، میانوالی اور سیالکوٹ میں بارشوں کی پیشگوئی کی ہے۔محکمہ کے ترجمان نے اے پی پی کو بتایا کہ25 فروری سے یکم مارچ کے دوران پنجاب کے بیشتر اضلاع میں تیز ہوا چلنے اور بارش کا امکان ہے۔

(جاری ہے)

انہوں نے بتایا کہ مری اور گلیات سمیت دیگر پہاڑی علاقوں میں بارش اور برفباری سمیت سرگودھا، بھکر، خوشاب، حافظ آباد،گوجرانوالہ، منڈی بہاؤالدین اور گجرات میں بھی بارش کا امکان ہے۔انہوں نے بتایا کہ25 سے 27 فروری تک ملتان، ڈیرہ غازی خان، لیہ، مظفرگڑھ، خانیوال، ساہیوال، پاکپتن، اوکاڑہ اور بہاولنگر میں بھی ہلکی بارش کے امکانات ہیں جبکہ بارش کے ساتھ پہاڑی علاقوں میں برفباری بھی متوقع ہے۔ انہوں نے کہا کہ سیاح موسمی صورتحال کو مد نظر رکھتے ہوئے اپنا پروگرام ترتیب دیں ۔انہوں نے بتایا کہ شہری خراب موسم کی صورتحال میں غیر ضروری سفر سے گریز کریں۔علاوہ ازیں ایمرجنسی صورتحال میں پی ڈی ایم اے ہیلپ لائن 1129 پر کال کی جاسکتی ہے۔