چوہدری رضوان اسلم جٹ کے والد مرحوم کے ایصالِ ثواب کے لیے تعزیتی نشست کا انعقاد

محمد علی پیر 24 فروری 2025 18:01

جدہ (رپورٹ حسن بٹ، اُردو پوائنٹ اخبارتازہ ترین۔ 24 فروری2025ء) فیصل آباد کی معروف کاروباری و سماجی شخصیت چوہدری رضوان اسلم جٹ کے والد محترم مرحوم حاجی محمد اسلم سیف ممبر کے ایصالِ ثواب کے لیے ایک تعزیتی نشست اور اجتماعی فاتحہ خوانی کا اہتمام کیا گیا، جس میں کمیونٹی کی ممتاز کاروباری، سیاسی و سماجی شخصیات نے شرکت کی۔

(جاری ہے)

تعزیتی نشست میں چیئرمین مسلم لیگ (ن) چوہدری اکرم گجر، سابق مشیر وزیر اعلیٰ پنجاب چوہدری اظہر وڑائچ، مسلم لیگ (ن) جدہ ریجن کے چیئرمین میاں رضوان الحق، ڈپٹی سیکرٹری احسان الحق، مسلم لیگ (ن) کے فاروق انجم، نور آراء، سماجی شخصیت ملک جمیل اور دیگر معزز شخصیات نے شرکت کی۔

شرکاء نے چوہدری رضوان اسلم جٹ سے اظہارِ تعزیت کرتے ہوئے ان کے غم میں شریک ہونے کا یقین دلایا اور مرحوم کے درجات کی بلندی کے لیے دعا کی۔ اس موقع پر چوہدری رضوان اسلم جٹ نے تمام شرکاء کا شکریہ ادا کرتے ہوئے کہا کہ مشکل وقت میں اپنوں کی دلجوئی اور ہمدردی ہی اصل سرمایہ ہوتی ہے اور وہ احباب کے خلوص و محبت کو ہمیشہ یاد رکھیں گے۔