معروف صحافی میاں فضل الٰہی اور سینئر اینکر پرسن شاہد میتلا کے اعزاز میں پُروقار افطار ڈنر

منگل 11 مارچ 2025 18:49

جدہ (رپورٹ حسن بٹ، اُردو پوائنٹ اخبارتازہ ترین۔ 11 مارچ2025ء) جدہ میں سعودی حکومت کی خصوصی دعوت پر آئے ہوئے معروف صحافی میاں فضل الٰہی اور سینئر اینکر پرسن شاہد میتلا کے اعزاز میں بورے والا کی کاروباری شخصیت عاصم رفیق جٹ کی جانب سے ایک پُروقار افطار ڈنر کا اہتمام کیا گیا۔ تقریب میں سابق وفاقی وزیر چوہدری شہباز احمد، سابق مشیر برائے اوورسیز وزیر اعلیٰ پنجاب چوہدری اظہر وڑائچ، چیئرمین مسلم لیگ (ن) چوہدری اکرم گجر، پاک میڈیا جرنلسٹس فورم کے عہدیداران اور کمیونٹی کی نمایاں شخصیات نے شرکت کی۔

(جاری ہے)

تقریب سے خطاب کرتے ہوئے چیئرمین پاک میڈیا جرنلسٹس فورم چوہدری نورالحسن گجر نے مہمانانِ گرامی کی صحافتی خدمات کو سراہا اور ان کے عمرہ کی سعادت حاصل کرنے پر مبارکباد دی۔ مہمانوں نے اوورسیز پاکستانیوں کو ملک کا سرمایہ قرار دیتے ہوئے کہا کہ بیرون ملک مقیم پاکستانیوں کو اتحاد اور یکجہتی کا مظاہرہ کرنا چاہیے تاکہ سماجی اور کاروباری میدان میں ایک دوسرے کی مدد کی جا سکے۔ چیئرمین مسلم لیگ (ن) چوہدری اکرم گجر نے مہمانوں کو عمرہ کی مبارکباد دی اور ان کی صحافتی خدمات کو خراج تحسین پیش کیا۔