جدہ میں مسلم لیگ (ن) کے رکن صوبائی اسمبلی ملک نوشیر انجم لنگڑیال کے اعزاز میں عشائیہ کا اہتمام

سابقہ مشیر برائے وزیر اعلیٰ پنجاب چوہدری اظہر وڑائچ کی جانب سے چیئرمین اسٹینڈنگ کمیٹی برائے اسکول ایجوکیشن ڈیپارٹمنٹ کے اعزاز میں خصوصی پرتکلف عشائیہ کا اہتمام کیا گیا

پیر 24 فروری 2025 21:44

جدہ میں مسلم لیگ (ن) کے رکن صوبائی اسمبلی ملک نوشیر انجم لنگڑیال کے ..

جدہ (رپورٹ حسن بٹ، اُردو پوائنٹ اخبارتازہ ترین۔ 24 فروری2025ء) عمرہ کی سعادت کے لیے آئے ہوئے بورے والا سے تعلق رکھنے والے مسلم لیگ (ن) کے رکن صوبائی اسمبلی اور چیئرمین اسٹینڈنگ کمیٹی برائے اسکول ایجوکیشن ڈیپارٹمنٹ ملک نوشیر انجم لنگڑیال کے اعزاز میں سابقہ مشیر برائے وزیر اعلیٰ پنجاب چوہدری اظہر وڑائچ کی جانب سے خصوصی پرتکلف عشائیہ کا اہتمام کیا گیا۔

تقریب میں بڑی تعداد میں چوہدری اظہر وڑائچ کے قریبی دوستوں، مسلم لیگ (ن) کے عہدیداران، اور ایم پی اے ملک نوشیر انجم لنگڑیال کے حلقے کے افراد نے شرکت کی۔ تقریب کے دوران چیئرمین مسلم لیگ (ن) چوہدری اکرم گجر نے شرکاء کو ویلکم کیا اور ملک نوشیر انجم لنگڑیال کو عمرہ کی مبارکباد پیش کی۔ انہوں نے نوشیر انجم نگڑیال کی پارٹی اور حلقے کی خدمات کو سراہتے ہوئے ان کی کاوشوں پر روشنی ڈالی۔

(جاری ہے)

جواباً ملک نوشیر انجم لنگڑیال نے شرکاء کا شکریہ ادا کرتے ہوئے کہا کہ اوورسیز پاکستانی ہمارا حقیقی سرمایہ ہیں اور پنجاب حکومت نے ان کے مسائل حل کرنے کے لیے خصوصی اقدامات کیے ہیں۔ انہوں نے کہا کہ صوبہ پنجاب وزیر اعلیٰ مریم نواز کی قیادت میں ترقی کی جانب گامزن ہے ۔ تقریب کے اختتام پر چوہدری اظہر وڑائچ نے کہا کہ دریا غیر میں تمام پاکستانی بلا تفریق قومی یکجہتی کے پلیٹ فارم پر متحد ہیں۔

انہوں نے اپنی خواہش کا اظہار کرتے ہوئے کہا کہ پاکستان میں بھی تمام سیاسی جماعتیں ملک کی ترقی کے لیے مل کر کام کریں اور یکجہتی کا مظاہرہ کریں۔ یہ تقریب سیاسی ہم آہنگی اور قومی یکجہتی کے پیغام کے ساتھ اختتام پذیر ہوئی۔