مغربی ہوائوں کا ایک اور سلسلہ ملک میں داخل، لاہور سمیت کئی شہروں میں بوندا باندی

منگل 25 فروری 2025 16:42

لاہور(اُردو پوائنٹ اخبارتازہ ترین - این این آئی۔ 25 فروری2025ء)مغربی ہوائوں کا ایک اور سلسلہ ملک میں داخل ہوگیا جس کی وجہ سے ملک کے بیشتر علاقوںمیں بارش ہونے سے موسم مزید ٹھنڈا ہو گیا۔

(جاری ہے)

پنجاب کے مختلف علاقوں میں بھی بادل برس پڑے، جہانیاں اور وہاڑی میں ہلکی بارش ہوئی، لاہورکے علاقے جوہر ٹائون، ٹھوکر نیاز بیگ ،گڑھی شاہو اور دیگر علاقوں میں رات گئے بوندا باندی ہوئی۔قصور، پنڈی بھٹیاں، رینالہ خورد، کندیاں چشمہ اور نواح میں بارش ہوئی، اسلام آباد، راولپنڈی، مری اور گلیات میں بادل برسنے کی بھی پیشگوئی کر دی گئی ہے ، خیبرپختونخوا ہ کے مختلف علاقوں میں بارش کی نویدسنا دی گئی،پہاڑوں پر برفباری کا امکان پیدا ہوگیا۔