{شاہ رخ خان اور دیپیکا کی فلم ’پٹھان‘ کے سیکوئل کا اسکرپٹ تیار

~2023 میں ریلیز ہونے والی فلم 'پٹھان نے زبردست کامیابی حاصل کی تھی

بدھ 26 فروری 2025 18:10

ممبئی (اُردو پوائنٹ اخبارتازہ ترین - آن لائن۔ 26 فروری2025ء)معروف فلم پروڈیوسر، ڈائریکٹر اور رائٹرز ادتیہ چوپڑا نے فلم پٹھان کے سیکوئل کے اسکرپٹ کو حتمی شکل دیدی۔بھارتی میڈیا کے مطابق ادتیہ، سری دھار راگھون اور عباس تیروالہ نے مشترکہ طور پر ایک شاندار اور دل کو چھو لینے والی کہانی تیار کی ہے جو پہلے حصے سے زیادہ بڑیوسیع کینوس اور شدت کی حامل ہوگی۔

ادتیہ چوپڑا نے فلم پٹھان کے سیکوئل کے اسکرپٹ پر بالی ووڈ کے کنگ خان شاہ رخ خان سے مشورہ کیا تھا اور وہ اس سے بہت متاثر بھی ہوئے ہیں۔لکھاری اور فلم کے پروڈیوسر ادتیہ چوپڑا نے تفصیلات سے گریز کرتے ہوئے بتایا کہ سیکوئل کی کہانی چونکا دینے والی ہوگی۔فلم کے کہانی کار ادیتیہ چوپڑا نے مزید بتایا کہ شاہ رخ کے مداح انھیں اس کردار میں دیکھ کر دنگ رہ جائیں گے۔

(جاری ہے)

یہ ایک زبردست کردار ہوگا۔ادتیہ چوپڑا 2023 کے وسط سے 'پٹھان 2' کی اسکرپٹ پر کام کر رہے تھے۔ اسکرپٹ کو مکمل کرنے میں بہت وقت لگا کیونکہ اس میں سنسنی خیز تبدیلیاں ہیں۔فلم پٹھان کے سیکوئل کا اسکرپٹ مکمل ہونے کے بعد اب توقع کی جا رہی ہے کہ شوٹنگ کا ا?غاز 2026 کے اوئل میں ہوجائے گا۔اگرچہ 'پٹھان کے ہدایتکار سدھارتھ ا?نند فلم کے سیکوئل کے لیے دستیاب نہیں ہیں اس لیے ادتیہ چوپڑا ایک نئے ہدایتکار کی تلاش میں ہیں۔یاد رہے کہ شاہ رخ خان اور دیپیکا پڈوکون کی 2023 میں ریلیز ہونے والی فلم 'پٹھان نے زبردست کامیابی حاصل کی تھی۔