پاکستان کا نظام عالمی سطح پر مذاق بن چکا ہے، فہمیدہ مرزا

ملک میں غلامی کی نشانیاں ختم ،میڈیا کو آزاد ہونا ہوگا، اپوزیشن کی قومی کانفرنس سے خطاب

بدھ 26 فروری 2025 21:40

اسلام آباد(اُردو پوائنٹ اخبارتازہ ترین - این این آئی۔ 26 فروری2025ء) رہنماء جی ڈی اے فہمیدہ مرزا نے کہا ہے کہ پاکستان کا نظام عالمی سطح پر مذاق بن چکا ہے۔اپوزیشن کی قومی کانفرنس سے خطاب کرتے ہوئے فہمیدہ مرزا نے کہا کہ ملک میں غلامی کی نشانیاں ختم کرنی ہوں گی، میڈیا کو آزاد ہونا ہوگا۔

(جاری ہے)

انہوں نے کہا کہ اس کانفرنس کیلئے راستے روکے گئے، ہم مسائل کا حل نکالنا چاہتے ہیں، میں پاکستان کی پارٹی کی ہوں، ملکی ادارے کو مضبوط کرنا ہوگا چاہے وہ فوج ہو یا عدلیہ ہو۔ انہوں نے کہا کہ سب کو نظر آرہا ہے ایوان کون چلا رہا ہی نوجوان مایوس ہورہے ہیں، بین الاقوامی سطح پر ہم مذاق بن گئے ہیں، خدارا ملک کے حال پر رحم کریں۔