پنجاب یونیورسٹی آفیسر زویلفیئر ایسو سی ایشن کی جنرل باڈی کا اجلاس

جمعہ 28 فروری 2025 23:08

لاہور (اُردو پوائنٹ اخبارتازہ ترین - آن لائن۔ 28 فروری2025ء) پنجاب یونیورسٹی آفیسرز ویلفیئر ایسوسی ایشن کی جنرل باڈی کا اجلاس الرازی ہال میں منعقد ہوا۔ اس موقع وائس چانسلر پنجاب یونیورسٹی پروفیسر ڈاکٹرمحمد علی، پرووائس چانسلر پروفیسر ڈاکٹر خالد محمود، رجسٹرار ڈاکٹر احمد اسلام، کنٹرولر امتحانات محمد رؤف نواز، خزانہ دار تسنیم کامران، اقامتی آفیسراول کرنل (ر) عمر خالد، صدر پنجاب یونیورسٹی آفیسر ویلفیئر ایسو سی ایشن ڈاکٹر توقیر علی، جنرل سیکرٹری رانا مظفر علی ودیگرافسران نے شرکت کی۔

اجلاس میں عمرہ کے مکمل پیکج کے لیے دوافسران زبیرنواز اعوان اورمحمد شاہد کے نام بذریعہ قرعہ اندازی نکالے گئے ۔تقریب سے خطاب کرتے ہوئے وائس چانسلر پروفیسر ڈاکٹر محمد علی نے آفیسرز ویلفیئر ایسوسی ایشن کے اس اقدام کو سراہتے ہوئے امید ظاہر کی کہ افسران پنجاب یونیورسٹی کمیونٹی کی بہتری کیلئے اپنی ذمہ داریاں نبھاتے رہیں گے۔

(جاری ہے)

ڈاکٹر توقیر علی نے عمرہ کے لیے نامزد ہونے والے خوش نصیب افسران کو مبارکباد پیش کی اوروائس چانسلرڈاکٹرمحمد علی کے تعاون پر شکریہ ادا کیا۔

انہوں نے یقین دلایا کہ آفیسر زویلفیئر ایسو سی ایشن پنجاب یونیورسٹی افسران کی بہتری کے لیے مثبت کردار ادا کرتی رہے گی۔ انہوں نے کہا کہ آئندہ برس چار افسران کو عمرہ کا ٹکٹ دینے کے لئے اقدامات کریں گے۔ بعد ازاں وائس چانسلر نے پنجاب یونیورسٹی کے ریٹائرڈ افسران کی خدمات کے اعتراف میںیادگاری شیلڈز پیش کیں۔