آئندہ چوبیس گھنٹوں کے دوران لاہور سمیت بعض اضلاع میں تیز ہوائوں کے ساتھ بارش جبکہ دیگر علاقوں میں موسم خشک اور جزوی طور پر ابر آلود رہنے کا امکان ہے،محکمہ موسمیات

منگل 11 مارچ 2025 18:00

لاہور (اُردو پوائنٹ اخبارتازہ ترین - اے پی پی۔ 11 مارچ2025ء) محکمہ موسمیات نے پیشگوئی کی ہے کہ آئندہ چوبیس گھنٹو ں کے دوران لاہور سمیت بعض اضلاع میں تیز ہوائوں کے ساتھ بارش جبکہ دیگر علاقوں میں موسم خشک اور جزوی طور پر ابر آلود رہنے کا امکان ہے۔

(جاری ہے)

ترجماں محکمہ موسمیات کے مطابق صوبائی دارالحکومت لاہور سمیت منڈی بہاوالدین، سرگودھا، میانوالی، خوشاب، گجرات، سیالکوٹ، نارووال، گوجرانوالہ، فیصل آباد اور شیخوپورہ میں چند مقامات پر تیز ہواوں/آندھی اور گرج چمک کے ساتھ بارش کا امکان ہے تاہم پنجاب کے بیشتر اضلاع میں موسم خشک اور جزوی طور پر ابر آلود رہنے کی توقع ہے۔

گزشتہ چوبیس گھنٹوں کے دوران شمال مشرقی علاقوں سمیت بعض مقامات پر بارش ہوئی جبکہ دیگر علاقوں میں مطلع ابر آلود رہا۔لاہور میں کم سے کم درجہ حرارت 16اور زیادہ سے زیادہ 27سینٹی گریڈ ریکارڈ کیا گیا جبکہ ہوا میں نمی کا تناسب 47رہا۔لا ہور میں آلودگی کی مجموعی شرح 106فیصد رہی جبکہ شہر کے مختلف علاقوں میں ایئر کولٹی انڈیکس یو نیورسٹی آف سنٹرل پنجاب 161، یو ایم ٹی 151،ویلنشیا ٹاون 155،ڈائمنڈ پینٹس 137،پاور زون 169اورعسکری ٹین میں117ایئر کوالٹی انڈیکس ریکارڈ کیا۔