آئندہ چوبیس گھنٹوں کے دوران لاہور سمیت پنجاب کے بعض علاقوں میں تیز ہوائوں کے ساتھ بارش کا امکان

بدھ 12 مارچ 2025 23:10

لاہور (اُردو پوائنٹ اخبارتازہ ترین - اے پی پی۔ 12 مارچ2025ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران لاہور سمیت پنجاب کے بعض اضلاع میں تیز ہوائوں کے ساتھ بارش جبکہ دیگر علاقوں میں موسم خشک اور جزوی طور پر ابر آلود رہنے کا امکان ہے۔

(جاری ہے)

ترجمان محکمہ موسمیات کے مطابق صوبائی دارالحکومت لاہور سمیت منڈی بہائوالدین،سرگودھا، میانوالی، خوشاب، گجرات، سیالکوٹ، نارووال، لاہور، گوجرانوالہ، فیصل آباد اور شیخوپورہ میں چند مقامات پر تیز ہوائوں اور گرج چمک کے ساتھ بارش کا امکان ہے تاہم پنجاب کے بیشتر اضلاع میں موسم خشک اور جزوی طور پر ابر آلود رہنے کی توقع ہے۔

گزشتہ چوبیس گھنٹوں کے دوران شمال مشرقی علاقوں سمیت بعض مقامات پر بارش ہوئی جبکہ دیگر علاقوں میں مطلع ابر آلود رہا۔لاہور میں کم سے کم درجہ حرارت 16اور زیادہ سے زیادہ 28سینٹی گریڈ ریکارڈ کیا گیا جبکہ ہوا میں نمی کا تناسب 41فیصدرہا۔لا ہور میں آلودگی کی مجموعی شرح 153فیصد رہی جبکہ شہر کے مختلف علاقوں میں ایئر کولٹی انڈیکس پاور زون 169، یانی ہوم203،ذکی فارمز169،پولو گرائونڈ 172،عسکری ٹین 163،غازی روڈ168،طفیل روڈ159،پاور زون 169اور ہنڈا گیٹ وے 192ایئر کوالٹی انڈیکس ریکارڈ کیا۔