mبرطانیہ نے روس کو سخت پابندیاں عائد کرنے کی دھمکی دیدی

پیوٹن کو مذاکرات کی میز پر آنا پڑے گا، یوکرین پر حملے کی قیمت چکانی ہوگی،کیئر اسٹارمر

ہفتہ 15 مارچ 2025 21:25

ة لندن(اُردو پوائنٹ اخبارتازہ ترین - آن لائن۔ 15 مارچ2025ء)برطانیہ نے روس کو سخت پابندیاں عائد کرنے کی دھمکی دیدی۔ وزیراعظم کیئر اسٹارمر کا کہنا ہے کہ روسی صدر پیوٹن کو مذاکرات کی میز پر ا?نا پڑے گا، روس کو یوکرین پر حملے کی قیمت چکانی ہوگی۔

(جاری ہے)

برطانوی وزیراعظم کیئر اسٹارمر نے لندن میں پریس کانفرنس کرتے ہوئے کہا ہے کہ روسی صدر پیوٹن کو مذاکرات کی میز پر ا?نا پڑے گا، یوکرین میں جنگ بندی کی تجویز پر صدر پیوٹن کا ردعمل ناکافی ہے، برطانیہ روس پر سخت پابندیاں عائد کرنے کی تیاری کررہا ہے۔

ان کا کہنا ہے کہ روس کو یوکرین پر حملے کی قیمت چکانی ہوگی، ہم اپنی فوج مزید مضبوط کرنے کیلئے کام کرینگے، برطانیہ، یوکرین کیلئے اپنی فوجی مدد کو تیز کرے گا۔ کیئر اسٹارمر نے کہا کہ ہم یوکرینی افواج کی تربیت کیلئے کام کریں گے، امن معاہدے کے بعد یوکرین میں اتحادی فوج تعینات کرنے کے قابل ہوں گے۔