وزیراعظم شہباز شریف کا مسلم لیگ ن کے راہنماحاجی عرفان احمد خان ڈاہا کی رحلت پر تعزیت کا اظہار

جمعہ 9 مئی 2025 13:49

اسلام آباد (اُردو پوائنٹ اخبارتازہ ترین - اے پی پی۔ 09 مئی2025ء) وزیراعظم محمد شہباز شریف نے رکن قومی اسمبلی محمد خان ڈاہا سے ان کے والد سابق صوبائی وزیر، رکن پنجاب اسمبلی اور مسلم لیگ ن کے راہنما حاجی عرفان احمد خان ڈاہا کی رحلت پر تعزیت کا اظہار کیا ہے ۔

(جاری ہے)

جمعہ کو وزیراعظم آفس کے میڈیا ونگ کی طرف سے جاری بیان کے مطابق وزیراعظم نے محمد خان ڈاہا کو فون کیا اور ان کے مرحوم والد کے انتقال پر دکھ اور افسوس کا اظہار کیا ۔ وزیر اعظم نے مرحوم کیلئے مغفرت اور ان کے اہل خانہ کے لئے صبر و استقامت کی دعا کی۔ وزیر اعظم نے کہا کہ حاجی عرفان احمد خان نے بطور سیاسی کارکن عوامی فلاح کے لئے قابل قدر خدمات سر انجام دیں۔ میری تمام تر ہمدردیاں مرحوم کے اہل خانہ کے ساتھ ہیں۔\932