پنجاب بھر میں 1320 ٹریفک حادثات میں 13 افراد جاں بحق، 1560زخمی

پیر 17 مارچ 2025 21:40

لاہور (اُردو پوائنٹ اخبارتازہ ترین - این این آئی۔ 17 مارچ2025ء)ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں1320ٹریفک حادثات پر ریسپانڈ کیا جن میں685افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔875معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

ان حادثات میں زیادہ تر تعداد (77فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں831ڈرائیوز،74کم عمرڈرائیور، 583مسافراور159پیدل چلنے والے افراد متاثر ہوئے۔

(جاری ہے)

اعدادو شمار سے ظاہر ہوتا ہے کہ241ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت241متاثرین کے ساتھ پہلے،فیصل آباد110حادثات میں126متاثرین کے ساتھ دوسر ے، ملتان83حادثات میں96متاثرین کے سا تھ تیسرے نمبرپررہا۔ واضح رہے کہ ان ٹریفک حادثات کے کل1573متاثرین میں1256مرد اور317خواتین شامل ہیں جبکہ زخمی ہونیوالوں میں304افراد کی اوسط عمر18سال سے کم818افراد کی اوسط عمر 18سے 40سال کے درمیان جبکہ451زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں1277موٹرسائیکلز،74آٹورکشے،127کاریں،38وین،33مسافر بسیں،101ٹرک اور101دوسری اقسام کی گاڑیاں شامل ہیں۔

Facebook Twitter Google + Share on Whatsapp

پنجاب بھر میں 1320 ٹریفک حادثات میں 13 افراد جاں بحق، 1560زخمی

متعلقہ عنوان :

مزید قومی خبریں