چیمپئینزٹرافی میں پاکستان کو نقصان، بھارتی رپورٹس جھوٹی نکلی

پی سی بی نے بھارتی میڈیا کو آڑے ہاتھوں لے لیا

بدھ 19 مارچ 2025 22:50

چیمپئینزٹرافی میں پاکستان کو نقصان، بھارتی رپورٹس جھوٹی نکلی

ٰاسلام آباد(اُردو پوائنٹ اخبارتازہ ترین - آن لائن۔ 19 مارچ2025ء) پاکستان کرکٹ بورڈ (پی سی بی) نے چیمپئینز ٹرافی کے دوران اور بعد میں منفی پروپیگنڈا کرنے پر بھارتی میڈیا کو ائڑے ہاتھوں لے لیا اور بدنام کرنے کی سازش پر اپنا ردعمل دیدیا۔ پی سی بی ترجمان نے بھارتی میڈیا میں شائع ہونے والی خبر کو من گھڑت اور حقائق کے منافی قرار دیتے ہوئے کہا کہ انڈین میڈیا قیاس ا?رائیوں پر مبنی کہانیاں گھڑ رہا ہے۔

(جاری ہے)

ترجمان نے کہا کہ چیمپئینز ٹرافی سے پی سی بی کو کوئی نقصان نہیں ہوا، ہمیں 6 ملین ڈالرز میزبانی پر ملیں گے اور گیٹ منی سے ا?مدنی کا فیصلہ کچھ ماہ میں ا?ڈٹ کے بعد ہوگا جبکہ ہوٹلوں کا کرایہ، جہازوں کے ٹکٹ، پرائز منی اور دیگر اخراجات ا?ئی سی سی ادا کرے گا۔ گزشتہ دنوں بھارتی میڈیا نے اپنی رپورٹ میں انکشاف کیا تھا کہ پاکستان کرکٹ بورڈ کو ا?ئی سی سی چیمپئینز ٹرافی 2025کی میزبانی کے دوران 869کروڑ روپی(85 ملین ڈالر) کا نقصان ہوا۔ رپورٹ میں دعویٰ کیا گیا تھا کہ میزبانی کے باعث ہونیوالے بھاری نقصان کی وجہ سے پی سی بی نے ڈومیسٹک کھلاڑیوں کی میچ فیس میں کٹوتی کی اور 5 اسٹار ہوٹلوں میں کھلاڑیوں کے ٹھہرنے کی سہولت ختم کرتے ہوئے سخت اقدامات اٹھائے ہیں۔