ملک کے بیشتر علاقوں میں موسم خشک ،بالائی علاقوں میں مطلع جزوی ابرآلود رہنے کا امکان

بدھ 19 مارچ 2025 23:21

اسلام آباد (اُردو پوائنٹ اخبارتازہ ترین - اے پی پی۔ 19 مارچ2025ء) آئندہ 24 گھنٹوں کے دوران ملک کے بیشتر علاقوں میں موسم خشک جبکہ بالائی علاقوں میں مطلع جزوی ابرآلود رہنے کا امکان ہےتاہم بالائی خیبرپختونخوا، خطہ پوٹھوہار اورکشمیر میں چند مقامات پر تیز ہواؤں اور گرج چمک کے ساتھ بارش متوقع ہے۔

(جاری ہے)

محکمہ موسمیات کے مطابق 21 مارچ سے ملک کے میدانی علاقوں میں دن کے درجہ حرارت میں بتدریج اضافہ کا امکان ہے۔گذشتہ 24 گھنٹوں کے دوران ملک کے بیشتر علاقوں میں مو سم خشک اور پہاڑی علاقوں میں سرد رہا۔بدھ کو ریکارڈکئے گئے کم سےکم درجہ حرارت لہہ منفی07، استور منفی02اور زیارت میں 00 ڈگری سینٹی گریڈ ریکارڈ کیا گیا ۔